Skill Event Marketing Сompany-ի նախաձեռնությամբ արտահերթ Career City Fest է անցկացվել Երևանում: Նպատակը Հայաստանում գտնվող արցախահայությանն աջակցելն էր։ Արցախից ժամանած հայրենակիցներին իր լավագույն առաջարկներով է ներկայացել նաև Ամերիաբանկը: Առանձնահատուկ նախաձեռնություն ունեն նաև:
«Ամերիա Սերունդ. Արցախ» ուսումնական ծրագիրն է մեկնարկել, որը հնարավորություն կտա կիսվելու գիտելիքով և փորձառությամբ։ Ամերիաբանկի կողմից առաջարկվող կրթական ծրագրի անհրաժեշտ փուլերը հաջողությամբ անցնելուց հետո մասնակիցները հնարավորություն կունենան շարունակելու իրենց մասնագիտական ուղին, աշխատելու ոլորտի պրոֆեսիոնալների հետ և հաջողելու պարագայում դառնալու Ամերիա ընտանիքի մի մասը կամ աշխատելու այլ կազմակերպություններում։ Ծրագիրը նախատեսված է 𝟏𝟖-𝟑𝟓 տարեկան արցախցիների համար։
Մասնակիցները 𝟏,𝟓 ամիս մասնագիտական ինտենսիվ ուսուցում կստանան Երևանում, ամսական 𝟐𝟎𝟎,𝟎𝟎𝟎 ՀՀ դրամ (ներառյալ եկամտային հարկը և պարտադիր այլ վճարները) աշխատավարձ ուսուցման ընթացքում, հավաստագիր ծրագրին մասնակցության վերաբերյալ, ինչպես նաև աշխատանքի հնարավորություն Ամերիաբանկում: «Ամերիա Սերունդ․ Արցախ» ծրագրին դիմելու կարող եք հոկտեմբերի 𝟐𝟗-ը ներառյալ։
Մեկնաբանություն