Օտարերկրյա հայտնի բրաուզերները, ինչպիսիք են Google Chrome-ը, Microsoft Edge-ը և Apple-ի Safari-ն, կարող են դադարեցնել ռուսական կայքերի բացումը անվտանգության վկայագրերի արգելափակման պատճառով: Այս մասին գրում է «Известия»-ն ՝ վկայակոչելով ՏՏ ընկերություններից մեկի աղբյուրը։
Ինչպես նշել է հրապարակման զրուցակիցը, կայքի սերտիֆիկատի միջոցով հաստատվում է ռեսուրսի իսկությունը, իսկ տվյալները ՝ կոդավորված։ Բրաուզերը կայքից խնդրում է այս փաստաթուղթը միանալուց առաջ, և եթե սերտիֆիկատ չկա կամ այն սխալ է, բրաուզերը չի բացի էջը,- պարզաբանել է նա։
ՏՏ ընկերություններից մեկի աղբյուրը հիշեցրել է, որ 2019 թվականին Ղազախստանի բնակիչներից պահանջվել է սարքերի վրա տեղադրել ազգային անվտանգության վկայագրեր, որից հետո Google-ը, Mozilla-ն և Apple-ը ներառել են ազգային վկայականը չեղյալ համարվողների ցանկում, իսկ երկու ամիս անց դրա ներդրումը Ղազախստանում դադարեցվել է։ «Նման տեխնիկական հնարավորություն կա, ինչպես արդեն տեսել ենք Ղազախստանի դեպքում, բայց այստեղ պետք է հաշվի առնել, որ այժմ շատ բրաուզերներ կան։ Հետևաբար, որոշ բրաուզերներում արգելափակման դեպքում միշտ կա այլընտրանք», – պարզաբանել է T.Hunter-ի տեղեկատվական անվտանգության աուդիտի բաժնի ղեկավար Վլադիմիր Մակարովը:
Մեկնաբանություն