Հայաստան մտնող մասնավոր դրամական փոխանցումների մաքուր ծավալը զգալիորեն նվազել է՝ ավելի քան 20 տոկոսով. այս տարվա առաջին 9 ամիսներին Հայաստան ուղարկված և այստեղից դուրս եկած գումարների մաքուր տարբերությունը, այսինքն այն միջոցները, որոնք մնացել են Հայաստանում, 1.3 միլիարդ դոլար են կազմել։ 2022-ի նույն ժամանակահատվածում մաքուր ներհոսքը շուրջ 1.8 միլիարդ դոլար էր կազմել։
Փորձագետների կարծիքով՝ այս անկումը ցույց է տալիս՝ ռուս-ուկրաինական պատերազմից հետո ռուսաստանցիների ու նրանց դրամական միջոցների ներհոսքի դրական ազդեցությունը Հայաստանի տնտեսության վրա թուլանում է:
«Պահանջարկով պայմանավորված տնտեսական աճը նաև ի հաշիվ դրամական փոխանցումների եռապատկման էր, բայց գործոնը թուլացավ, և, այո, ցավոք սրտի, այդ կանխատեսումներն իրականանում են ու հիմա հակառակն է տեղի ունենում», — ասաց Ազգային ժողովի ընդդիմադիր «Հայաստան» խմբակցությունից Թադևոս Ավետիսյանը,- մանրամասն՝ այստեղ:
Մեկնաբանություն