ԵՄ անդամ երկրների դեսպանները հաստատել են կրիպտոակտիվների շուկաների կարգավորման իրավական հիմքը (MiCA),- գրում է banks.am-ը։
«Այն նպատակ ունի աջակցել շուկայի միասնականությանը, պաշտպանել ներդրողներին, պայքարել փողերի լվացման եւ ահաբեկչության ֆինանսավորման դեմ»,- ասվում է ԵՄ Խորհրդում նախագահող Շվեդիայի հաղորդագրության մեջ։
Ապրիլի վերջին Եվրախորհրդարանը հավանություն էր տվել կրիպտոակտիվների փոխանցմանը հետեւելու, փողերի լվացումը կանխելու, ինչպես նաեւ վերահսկողության եւ հաճախորդների պաշտպանության ընդհանուր կանոններին:
Այսպես կոչված «ճամփորդության կանոնը», որն արդեն կիրառվում է ավանդական բանկային համակարգում, ապագայում կտարածվի կրիպտոակտիվների փոխանցումների վրա. ակտիվի աղբյուրի եւ դրա շահառուի մասին տեղեկատվությունը պետք է «ճանապարհորդի» տրանզակցիայի հետ եւ պահպանվի փոխանցման երկու կողմի մոտ։
Ըստ MiCA-ի՝ եվրոպական շուկայում գործունեություն ծավալելու մտադրություն ունեցողները պետք է գրանցվեն, նշում է ՏԱՍՍ-ը։
JavaScript seems to be disabled in your browser. You must have JavaScript enabled in your browser to utilize the functionality of this website.
