FATF-ն ընդլայնել է սահմանափակումները Ռուսաստանի նկատմամբ FATF-ի՝ Փողերի լվացման դեմ պայքարի ֆինանսական միջոցների մշակման խումբ որոշել է Ռուսաստանի նկատմամբ կիրառել լրացուցիչ սահմանափակումներ: Մասնավորապես, Ռուսաստանին արգելվում է մասնակցել այս միջազգային կազմակերպության ընթացիկ եւ ապագա նախագծերին։ Տվյալ միջոցներն ընդլայնում են այս տարվա հունիսին կիրառված սահմանափակումները։ Այն ժամանակ FATF-ը որոշել էր կտրուկ սահմանափակել ՌԴ դերն ու ազդեցությունը խմբում։ Մասնավորապես, Ռուսաստանն այլեւս չի կարող իրականացնել առաջնորդության կամ խորհրդատվության հետ կապված որեւէ գործառույթ, մասնակցել ստանդարտների սահմանմանը, փորձագիտական գնահատականի անցկացմանը, կառավարման եւ անդամակցության բնագավառում որոշումների կայացմանը: