Եվրամիությունը այսօր ՝ ապրիլի 6-ին, կքննարկի ռուսաստանցի մի շարք գործարարների նկատմամբ պատժամիջոցների կիրառման հնարավորությունը։ Այս մասին հայտնում է Financial Times թերթը։ Նշվում է, որ նոր սահմանափակումները կանդրադառնան Ռուսաստանի Սբերբանկի խորհրդի նախագահ Գերման Գրեֆի, Rusal-ի ղեկավար Օլեգ Դերիպասկայի, ինչպես նաև ձեռնարկատերեր Բորիս Ռոտենբերգի, Ալեքսանդր Շուլգինի և Սաիդ Քերիմովի վրա։
Ավելի վաղ Եվրոպական խորհրդի ղեկավար Շառլ Միշելը հայտարարել էր, որ ԵՄ-ն վաղ թե ուշ ստիպված է լինելու էմբարգո կիրառել Ռուսաստանի էներգետիկ ռեսուրսների վրա։ Նախօրեին Եվրահանձնաժողովի ղեկավար Ուրսուլա ֆոն դեր Լեյենը հայտարարել էր, որ ԵՄ-ն արգելք կսահմանի ռուսական փայտի, ցեմենտի, ծովամթերքի, ածուխի և ալկոհոլային խմիչքների ներմուծման վրա։ Ամերիկյան Reuters-ը գրել է, որ Եվրամիությունը մտադիր է նաև արգելել Ռուսաստանից կաուչուկի և քիմիական նյութերի, ինչպես նաև խավիարի և օղու ներկրումը։ Ըստ Reuters-ի՝ ընդհանուր առմամբ Եվրահանձնաժողովը կառաջարկի արգելել Ռուսաստանից տարեկան մինչև 9 միլիարդ եվրո արժողությամբ ներկրումը։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն