ԱՄՆ-ն առայժմ կոնկրետ դիրքորոշում չունի Ուկրաինայի արտաքին պարտքի կրճատման հնարավորության վերաբերյալ, սակայն նրանք բաց են այն ամենի համար, ինչը կօգնի Կիևին։ Այս մասին ճեպազրույցում հայտարարել է Սպիտակ տան խոսնակ Ջեն Փսակին,- հայտնում է ամերիկյան նախագահի վարչակազմի մամուլի ծառայությունը։
Լրագրողներից մեկը նշել է, որ քննարկումներ են եղել Ուկրաինայի արտաքին պարտքը դուրս գրելու կամ կրճատելու մասին, որպեսզի Կիևը կարողանա ազատված գումարը ներդնել այլ ոլորտներում։ Նա հարցրել է, թե Սպիտակ տունը դիրքորոշում ունի ՞ Ուկրաինայի արտաքին պարտքի հնարավոր կրճատման վերաբերյալ։Փսակին պատասխանել է, որ ինքը կարող է ստուգել ՝ արդյոք Բայդենի վարչակազմը կոնկրետ տեսակետ ունի այս հարցում, սակայն նշել է, որ Սպիտակ տունը «շատ բաց է այն ամենի համար, ինչը կօգնի ուկրաինացիներին վերականգնել իրենց երկիրը և պայքարել ռուսական ներխուժման դեմ»։
«Մենք գիտենք, որ մարդասիրական և տնտեսական օգնությունը կունենա տարբեր ձևեր: Սա կենսական նշանակություն ունի նրանց և առաջ շարժվելու հաջողության համար», — ավելացրել է նա:
