Ուկրաինան առաջարկել է ռուսական գազի դեմ պատժամիջոցների «իրանական մոդել»

Ուկրաինան առաջարկել է ներդնել ռուսական գազի դեմ պատժամիջոցների «իրանական մոդելը»։ Դա նշանակում է, որ գազը կգնա Եվրոպա, և դրա դիմաց գումարը կփոխանցվի ոչ թե ուղղակիորեն Ռուսաստանին, այլ եվրոպական բանկերի հատուկ ավանդային հաշիվներին,- «Ուկրինֆորմ»-ում ասել է էներգետիկայի փոխնախարար Յարոսլավ Դեմչենկովը։

«Ինչ վերաբերում է Ռուսաստանից գազատարին, ապա այն այժմ ամենադժվարն է փոխարինել: Այն կազմում է ԵՄ ընդհանուր ներմուծման 40%-ը: Մենք առաջարկում ենք պատժամիջոցների «իրանական մոդել». բնական գազը թույլատրվում է Գազպրոմից Եվրոպա, բայց բոլոր միջոցները պահվում են եվրոպական բանկերի հատուկ ավանդային հաշիվներում, քանի դեռ Ռուսաստանը չի կատարում որոշակի պայմաններ»,- պարզաբանել է Դեմչենկովը։

Նա կարծում է, որ Ռուսաստանն ավելի շատ կախված է եվրոպական շուկայից, քան հակառակը։

«Առանց եվրոպական շուկայի, ռուսները ստիպված կլինեն դադարեցնել իրենց գազի հանքերը, իսկ հետո, երբ նրանք սկսեն վերականգնել դրանք, գազի հանքավայրերի 70%-ը կկորչի, հետևաբար, եթե Պուտինը որոշի խորամանկել և դադարեցնել գազի մատակարարումը դեպի Եվրոպա, նա պարզապես կոչնչացնի իր գազային ենթակառուցվածքը»,- ասել է Դեմչենկովը։

Նրա խոսքով ՝ Եվրամիությունը կարող է ամբողջությամբ հրաժարվել Ռուսաստանից եկող հեղուկ բնական գազից ՝ առանց նշանակալի բացասական հետևանքների։

Նույնը վերաբերում է ռուսական նավթամթերքին. Ռուսաստանից Եվրոպա ներկրվող դիզվառելիքի այն 15%-ը կարող է փոխարինվել ներքին արտադրությամբ և լրացուցիչ ներմուծմամբ Հյուսիսային Ամերիկայից և Ասիայից։

Ինչ վերաբերում է նավթին, Ուկրաինան աստիճանական էմբարգոն հնարավոր է համարում «ծովային ներկրման անհապաղ դադարեցմամբ և հաջորդ ինը ամիսների ընթացքում նավթամուղով նավթի ներմուծման դադարեցմամբ»։