Հայաստանում ծառայությունների ոլորտի ծավալն այս տարվա հունվար-օգոստոսին կազմել է 1 958 063,7 մլն դրամ (ընթացիկ գներով)՝ 2022 թվականի նույն ժամանակահատվածի համեմատ աճելով 14,8%-ով։ Այս մասին հայտնում է Հայաստանի ազգային վիճակագրական կոմիտեն։
Միաժամանակ, այս տարվա օգոստոսին այս ցուցանիշը կազմել է 268 711,33 մլն դրամ՝ նախորդ տարվա օգոստոսի համեմատ աճելով 13,8%-ով, իսկ այս տարվա հուլիսի համեմատ՝ 4%-ով։
Ծառայությունների ոլորտի ընդհանուր կառուցվածքում ամենամեծ տեսակարար կշիռը (26.4%) բաժին է ընկնում ֆինանսական և ապահովագրական գործունեությանը, այս հատվածի ծավալն ութ ամսվա արդյունքում կազմել է 517 113.8 մլն դրամ՝ նախորդ տարվա նույն ժամանակահատվածի համեմատ 6,2%–անոց անկման դեպքում։
Տեղեկատվության և կապի ոլորտի ծավալը (մասնաբաժինը` 21,1%) կազմել է 413,405,3 մլն դրամ` 51,7% աճի դեպքում, տրանսպորտ ծավալը (մասնաբաժինը` 13,6%)` 266,973,1 մլն դրամ (աճը` 30,8%), կացության և հանրային սննդի կազմակերպման ծավալը` (մասնաբաժինը` 10,4%)` 204,177,2 մլն դրամ (աճը` 21,9%), և մշակույթի, ժամանցի և հանգստի ծավալը (9,2%)` 180,033,4 մլն դրամ (աճը` 7,1%):
Բնակչության առողջապահության և սոցիալական ապահովության ոլորտը (մասնաբաժինը` 4,7%) աճել է 3,4%-ով և կազմել 92,697,1 մլն դրամ, մասնագիտական, գիտական և տեխնիկական գործունեության ոլորտը (մասնաբաժինը` 4,4%), աճել է 8,6%-ով և կազմել 85,379,8 մլն դրամ։ Անշարժ գույքի հետ կապված գործունեության ոլորտը (մասնաբաժինը` 3,9%) աճել է 1,4%-ով և կազմել 75,695,8 մլն դրամ, վարչական և օժանդակ գործունեության ոլորտը (մասնաբաժինը` 3,1%) աճել է 6,7%-ով և կազմել 61,329,6 մլն դրամ, կրթության ոլորտը` (մասնաբաժինը` 2,3): %)՝ 10.5%-ով՝ կազմելով 44 339.5 մլն դրամ։
Աղբյուրը՝ arka.am
Մեկնաբանություն