Եվրահանձնաժողովը (ԵՀ) թույլատրել է Գերմանիային իր բյուջեից հատկացնել 34,5 մլրդ եվրո ՝ Uniper էներգետիկ կոնցեռնի վերակապիտալացման համար և 6,3 մլրդ եվրո ՝ SEFE-ին աջակցելու համար։ Այս մասին հայտնում է գերատեսչության կայքը։
«ԵՀ-ն Գերմանիայի կաբինետին թույլ է տվել 6,3 միլիարդ եվրո հատկացնել SEFE-ին աջակցելու համար, որը նախկինում կոչվում էր «Գազպրոմ Գերմանիա» և «Գազպրոմի» դուստր ձեռնարկությունն էր, բայց հետագայում փոխանցվեց գերմանական կարգավորիչի արտաքին հսկողության տակ և վերանվանվեց», — նշում է գերատեսչությունը:
Հրապարակումը նշել է, որ Uniper-ի փրկությունը ենթադրում է մի շարք պայմաններ, որոնք պետք է կատարվեն։ Մասնավորապես, Uniper-ը պետք է հրաժարվի բիզնեսի մի մասից, որն ապահովում է իր եկամտի մեծ մասը: Խոսքը Գերմանիայի և Հունգարիայի էլեկտրակայանների, ինչպես նաև որոշ միջազգային նախագծերում բաժնետոմսերի մասին է։SEFE-ի դեպքում Գերմանիան պետք է մինչև 2028 թվականը կրճատի իր մասնաբաժինը ընկերությունում մինչև 25% գումարած մեկ բաժնետոմս։ SEFE-ն ինքը պետք է ձերբազատվի Բուլղարիայի, Հունգարիայի, Մեքսիկայի, Ռումինիայի, Սլովակիայի, Չեխիայի և Շվեյցարիայի բիզնես նախագծերից:
Մեկնաբանություն