Համաշխարհային բանկի (ՀԲ) «Պետության եւ խաղաղության կառուցման հովանոցային հիմնադրամի» կողմից Հայաստանը նոր դրամաշնորհ կստանա:
ՀԲ-ից հայտնել են, որ $2.9 միլիոն դրամաշնորհային գումարը կուղղվի Հայաստանի 200-ից ավելի դպրոցում տեղահանված երեխաների եւ դեռահասների սոցիալական ինտեգրմանը եւ դպրոցների անձնակազմի կարողությունների զարգացմանը եւ մենթորինգին՝ տեղահանված երեխաներին եւ դեռահասներին, նրանց ընտանիքներին եւ ընդունող (հյուրընկալող) համայնքների աշակերտներին հոգեկան առողջության եւ հոգեբանասոցիալական համապատասխանեցված աջակցության տրամադրման համար։
«Այն տեխնիկական աջակցությունը կցուցաբերի կրթական համակարգում տեղահանված երեխաների եւ դեռահասների ինտեգրման համապարփակ մոտեցում, ինչպես նաեւ հոգեկան առողջության եւ հոգեբանասոցիալական աջակցության մասնագիտացված ծրագրի նախագծում՝ դպրոցներում փոփոխության վրա հիմնված ուսուցման, տեղական համայնքների հետ գործակցության եւ մոնիթորինգի ու գնահատման ամուր համակարգերի համակցման միջոցով»,- ասված է ՀԲ հաղորդագրության մեջ:
