-ԱՄՆ-ում գործազրկության նպաստի առաջնային դիմումների թիվը նվազել է 16,000-ով և կազմել 187,000՝ գրանցելով վերջին 16 ամիսների նվազագույն ցուցանիշը։
-Տոկոսադրույքների նվազման վերաբերյալ սպասումների ֆոնին S&P 500 ինդեքսը նոր ռեկորդային բարձր արժեք է գրանցել՝ 4839.81՝ շարունակելով 2022թ.-ի հոկտեմբերից ի վեր աճի միտումը։
-ԱՄՆ հիփոթեքային վարկերի տոկոսադրույքներն այս շաբաթվա ընթացքում նվազել են մինչև 2023թ.-ի մայիսից ի վեր նվազագույն մակարդակը. մասնավորապես 30 տարեկան վարկերի տոկոսադրույքը նվազել է մինչև 6.60%՝ նախորդ շաբաթվա 6.66%-ից հետո։
-Reuters գործակալության կողմից տնտեսագետների շրջանում կատարված հարցումների արդյունքների համաձայն Տոկիոյում հունվարին սպառողական գների ինդեքսը վերջին 20 ամիսների ընթացքում առաջին անգամ կգրանցի 2%-ից ցածր ցուցանիշ։
-2023թ.-ին չինական ավտոմեքենաների արտահանումը Ռուսաստան ավելացել է ավելի քան 7 անգամ։ Ընդհանուր ծավալը կազմել է 11.5 միլիարդ դոլար՝ 2022թ.-ի 1.6 միլիարդ դոլարի փոխարեն։
Finarm.am
