Հայաստանի տնտեսությանը շարունակում են աջակցել ծառայությունների, առևտրի և շինարարության ոլորտները. ԵԱԶԲ
Ստեղծվել է միասնական հարթակ աշխատանք փնտրող արցախցիների համար
ԿԲ-ի հետ պայմանավորվածություն կա, որ ԼՂ-ից բռնի տեղահանվածների հաշվեհամարները բացվելու են անվճար
ԱՄՆ դոլարի փոխարժեքն հոկտեմբերի 2-ին կազմել է 402.21 դրամ՝ նախորդ օրվա համեմատ աճել է 8.81 դրամով. ԿԲ
«Հայրենակից»․ IDBank-ի ծառայությունների արտոնյալ փաթեթը՝ Արցախի հայերի համար
Հոկտեմբերի 2-ի դրությամբ կարմրուկի լաբորատոր հաստատված դեպքերի թիվը 452 է
23թ. 7 ամիսներին արտահանման և ներմուծման աճը հանգեցրել են առևտրի հաշվեկշռի վատթարացման. ՀԲ
Հուլիսին ՀՀ բյուջեն ունեցել է 38 միլիարդ դրամ պակասուրդ, որը 3.6 անգամ գերազանցել է 22թ. հուլիսի պակասուրդը. ՀԲ
2023թ. հունվար-օգոստոսին Հայաստանում միջին ամսական անվանական աշխատավարձը կազմել է 262,957 դրամ
3 օրում բացահայտվել է 118 հանցագործության դեպք. գրանցվել է 52 ավտովթար. զոհվել է 5, վիրավորվել 69 մարդ
ՄԱԿ-ի առաքելությունը Ղարաբաղում է
Արցախից Գորիս է հասել վերջին ավտոբուսը՝ 15 ուղևորներով
Հաշվառում է անցել 85․975 անձ
Հակարիի կամուրջը հատել է 21.106 տրանսպորտային միջոց
Վերջին տվյալներով՝ ԼՂ-ից բռնի տեղահանված 100․514 անձ արդեն Հայաստանում է
Սեպտեմբերին եվրոգոտում գնաճը նվազել է մինչև 4.3%
Ադրբեջանը Լաչինի անցակետում ձերբակալել է Լևոն Մնացականյանին
Մեծ Բրիտանիայի տնտեսությունը համավարակից հետո աճել է 1.8%-ով
ChatGPT-ն այժմ մուտք ունի դեպի համացանց
ՊԵԿ. Օգոստոսին եկամուտ ստացող աշխատատեղերի թիվը կազմել է 717 280

ՍՕՍ-Մանկական Գյուղում» արևային կայան է կառուցվել

Հնվ 24, 2023 17:54
70
ADS

Իջևանի «ՍՕՍ-Մանկական Գյուղի» տներում բնակվում են առանց ծնողական խնամքի մնացած երեխաները։ Այստեղ նրանք ստանում են խնամք, դաստիարակություն և կրթություն, ճիշտ, ինչպես ընտանիքում։ Բարեգործական ծրագիրը նաև ամեն ինչ անում է, որպեսզի, հնարավորության դեպքում, երեխաները վերամիավորվեն կենսաբանական ընտանիքին։
Այսուհետև Իջևանի «ՍՕՍ-Մանկական Գյուղը» շնորհիվ իր գործընկերներ Ակբա բանկի ու բանկի Visa ԲԱՐԵՐԱՐ քարտապանների  կունենա էներգիայի այլընտրանքային աղբյուր։ 50կՎտ հզորությամբ արևային կայանը գյուղը կթոթափի ֆինանսական մեծ բեռից՝ ապահովելով  երկարաժամկետ խնայողություններ։
Սա ծրագրի 2-րդ փուլն է. դեռ 2018-ին Ակբան այստեղ նույն Visa ԲԱՐԵՐԱՐ ծրագրով, որն իրականացվում է «Հայաստան» համահայկական հիմնադրամի հետ, տեղադրել էր 14 արևային ջրատաքացուցիչ՝ ամբողջությամբ լուծելով ջրի տաքացման խնդիրը։
«Շարունակելու ենք Visa ԲԱՐԵՐԱՐ քարտի ծավալների ավելացմանն ուղղված աշխատանքները, որ մեր հաճախորդներից հնարավորինս շատ մարդիկ դառնան բարերար: Ընդ որում, բարերար դառնալու համար ընդամենը պետք է վճարումները կատարել Visa ԲԱՐԵՐԱՐ քարտով, մնացածը մենք ինքներս ենք կատարում մեր շահույթի հաշվին: «ՍՕՍ-Մանկական Գյուղում» իրականացված այս ծրագիրը կարևոր էր մեզ համար նաև, որ բացի խնայողություններից, այստեղ ապրող շուրջ 100 երեխա իրենց կյանքում ու կենցաղում տեսնեն, թե վերականգնվող էներգիան որքան կարևոր է ու մենք հուսով ենք, որ իրենք էլ, երբ մեծանան, կլինեն այն ջատագովներից մեկը, որ մեր երկիրը մաքուր էներգիայով սնվի ու շրջակա միջավայրը չաղտոտենք կամ, որքան հնարավոր է քիչ աղտոտենք»,- նշել է Ակբա բանկի բիզնես գործառույթների համակարգման գծով գլխավոր գործադիր տնօրեն Արսեն Մելքոնյանը:
«Արևային էներգիայի նման ծրագրերը դեռ 5 տարի առաջ տարածված չէին, և հիմնադրամն առաջիններից էր, որ սկսեց խթանել արևային էներգիայի և, ընդհանրապես, վերականգնվող էներգիայի զարգացումը Հայաստանում, և այսօր տեսնում եք, թե ինչ թափ է ստացել թե՛ արևային պանելների, թե՛ ջրատաքացուցիչների օգտագործումն ամբողջ երկրով մեկ և կարծում եմ, որ «Հայաստան» համահայկական հիմնադրամն Ակբա բանկի հետ գործակցության շնորհիվ բավականին մեծ ներդրում ունի Հայաստանում ու Արցախում արևային էներգիայի զարգացման գործում»,- նշել է «Հայաստան» համահայկական հիմնադրամի գործադիր տնօրեն Հայկակ Արշամյանը:
«Շատ կարևոր են նման նախաձեռնությունները, որ կարողանանք մեր ծախսերը տնտեսել ու տնտեսած գումարները փորձենք օգտագործել ի շահ երեխաների և իրենց զարգացման»,- նշել է «ՍՕՍ-Մանկական Գյուղեր» ՀԲՀ Ազգային տնօրեն Սպարտակ Սարգսյանը:
«ՍՕՍ-Մանկական Գյուղի» գործընկեր Ակբա բանկն այս ծրագիրն իրականացնում է Visa ԲԱՐԵՐԱՐ քարտապանների աջակցությամբ։ Դեռ 2012-ին Ակբան «Հայաստան» համահայկական հիմնադրամի հետ Հայաստանում առաջին անգամ թողարկեց բարեգործական Visa ԲԱՐԵՐԱՐ քարտը: Ծրագրի շրջանակում բանկը հիմնադրամի հատուկ հաշվեհամարին իր շահույթից փոխանցում է Visa ԲԱՐԵՐԱՐ քարտով կատարված բոլոր վճարային գործարքների գումարի 0.1%-ը, ինչպես նաև սպասարկման վարձի 50%-ը: Քարտապանները պարզապես կատարում են գործարքներ, որից ձևավորվող շահույթը բանկն իր սեփական միջոցների հաշվին ուղղում է բարեգործության։

Մեկնաբանություն