Հունվար-հունիսին ՀՀ-ում տնտեսական ակտիվության ցուցանիշն աճել է 11.4%-ով

2023թ. հունվար-հունիս ամիսներին, 2022թ. համադրելի ժամանակահատվածի համեմատ, Հայաստանում տնտեսական ակտիվության ցուցանիշը աճել է 11.4%-ով,- հայտնում են ՀՀ վիճակագրական կոմիտեից: Ըստ ներկայացված տվյալների՝ հաշվետու ժամանակաշրջանում աճել են արդյունաբերական արտադրանքի, առևտրի շրջանառության, շինարարության, գյուղատնտեսության և ծառայությունների ոլորտները։ Հունվար-հունիս ամիսներին արդյունաբերական արտադրանքի ծավալն աճել է 1.0%-ով, շինարարությունն աճել է 17%-ով, առևտրի շրջանառությունն աճել է 23.6%-ով, իսկ բնակչության մատուցված ծառայությունների ծավալն աճել է 16.8%-ով։ Բացարձակ արտահայտությամբ արդյունաբերության համախառն արտադրանքի ծավալը կազմել է 1,167,535.0 մլն ՀՀ դրամ, շինարարության ծավալը՝ 174,155.4 մլն ՀՀ դրամ, առևտրի շրջանառությունը՝ 2,280,859.8 մլն ՀՀ դրամ, գյուղատնտեսության համախառն արտադրանքի ծավալը՝ 278,565.0 դրամ, իսկ ծառայությունների ծավալը՝ 1,431,313.1 մլն ՀՀ դրամ։ Սպառողական գների ինդեքսը կազմել է 104.2%։