Micron Technology-ի բաժնետոմսի արժեքը բարձրացել է ավելի քան 23%-ով՝ մարտի 28-ի դրությամբ կազմելով 118 ԱՄՆ դոլար: Պատճառը կայանում է նրանում, որ հիշողության չիպեր արտադրող ընկերությունը ներկայացրել է իր ֆինանսական հաշվետվությունը եկամուտների մասին, որը գերազանցել է բոլոր ակնկալիքները:
Ընկերությունը երկար ժամանակ պայքարում էր կիսահաղորդիչների արտադրության ոլորտի անկման դեմ, սակայն AI-ի մեծ պահանջարկը օգնեց հաղթահարել այդ մարտահրավերները:
Թեև AI-ի բումի մեծ մասը բաժին է հասել Nvidia-ին, ներդրողները կարծես թե սկսել են գիտակցել, որ չիպեր արտադրողների մեջ կլինեն բազմաթիվ հաղթողներ, և Micron-ը կարող է դառնալ նրանցից մեկը:
Ֆրանսիական Renault ավտոարտադրողը քննարկումների մեջ է պոտենցիալ գործընկերների հետ՝ օգտագործված էլեկտրական մեքենաների մարտկոցներից լիթիումի և այլ մետաղների վերամշակման ուղղությամբ:
Չնայած մեքենաների մասերի վերամշակումն ունի լայն տարածում, Renault-ը նպատակ ունի դառնալ առաջին եվրոպական ավտոարտադրողը, որը նաև կվերամշակի մարտկոցները արդյունաբերական նպատակով:
Ըստ ընկերության՝ մետաղների վերամշակման արդյունքում ծախսերը զգալիորեն կկրճատվեն, որոնք կազմում են մարտկոցի արժեքի 70%-ը: Մարտկոցներն իրենց հերթին կազմում են մեքենայի արժեքի մինչև 40%-ը։
Չնայած էլեկտրական մեքենաների արտադրության հարցում Renault-ն զիջել է իր դիրքերը Tesla-ին և մի քանի չինական ապրանքանիշերի, նրա Renault և Dacia ապրանքանիշերը շարունակում են մնալ առաջատար Եվրոպայի EV շուկայում:
Renault-ի մեկ բաժնետոմսի արժեքը մարտի 25-ի դրությամբ կազմել է 46 ԱՄՆ դոլար:
