Twitter սոցիալական ցանցի ղեկավարությունը թույլատրել է զանգվածային կրճատումներ Հնդկաստանում իր գրասենյակների աշխատակիցներին։ Այս մասին հայտնում է NDTV հեռուստաալիքը՝ վկայակոչելով իրազեկ աղբյուրներ։
Նշվում է, որ աշխատողների կրճատումները վերակազմավորման մի մասն են, որն իրականացրել է Twitter-ի նոր սեփականատեր, միլիարդատեր Իլոն Մասքը (ըստ Forbes-ի տնօրինում է 208 միլիարդ դոլար): Աշխատակազմի կրճատումն ազդել է Twitter Հնդկաստանի բոլոր ստորաբաժանումների վրա, այդ թվում ՝ ինժեներների, մարքեթինգի, կապի և վաճառքի բաժինների աշխատակիցների: Հնդկաստանում աշխատանքից ազատվել է ընկերության աշխատակիցների ավելի քան 50%-ը:
Հոկտեմբերի վերջին The New York Times-ը, հղում անելով աղբյուրներին, գրել էր, որ Իլոն Մասկը հրամայել է Twitter-ին հոկտեմբերի 29-ից սկսել կրճատումները։
Ավելի վաղ ՝ հոկտեմբերի 5-ին, NBC-ն հայտնել էր, որ Twitter-ի աշխատակիցները, որոնք ներգրավված էին համանուն սոցիալական ցանցում կեղծ տեղեկատվության տարածման դեմ պայքարում, ընկել են լայնածավալ կրճատման տակ։ Նախօրեին Twitter-ի նոր սեփականատեր Մասկը հայտարարել էր սոցիալական ցանցի շահույթի անկման մասին։ Մասկը նշել է, որ ընկերության եկամուտները կտրուկ նվազել են գովազդատուների վրա ճնշում գործադրելու պատճառով, սակայն ոչինչ չի փոխվել սոցիալական մեդիայի բովանդակության մոդերատորության հարցում:
Մեկնաբանություն