Հեղուկ բնական գազի մատակարարումները տերմինալներից դեպի Եվրոպա ռեկորդ են սահմանել ապրիլին

Հեղուկ բնական գազի (LNG) տերմինալներից գազի հոսքերը դեպի եվրոպական գազային համակարգ ապրիլին ռեկորդ են սահմանել։ Այս մասին հայտնում է ТАСС-ը ՝ հղում անելով Gas Infrastructure Europe (GIE) ընկերության տվյալներին։Ներմուծումը ռեկորդային է 2011 թվականից ի վեր ապրիլին։ Այս տարվանից է GIE-ն սկսել իրականացնել դիտարկումներ։ Հեղուկ գազի ներհոսքի ծավալը կազմել է 10,65 մլրդ խմ։ Նախորդ ցուցանիշը  2019 թվականի ապրիլին՝ 10,21 մլրդ խմ։GIE-ի տվյալներով ՝ եվրոպական երկրներում LNG-ի պաշարները 10%-ով բարձր են անցյալ տարվա համեմատ և 8%-ով բարձր հնգամյա միջին ցուցանիշից։ Տվյալները տրված են առանց հաշվի առնելու Մեծ Բրիտանիայում ստորգետնյա գազապահեստարանների և ընդունող տերմինալների ծավալի մասին տեղեկատվությունը։ GIE-ն դադարեցրել է  դրանք հաշվի առնել փետրվարի 13-ին:

GIE-ի մամուլի ծառայությունն ընդգծում է, որ ապրիլյան LNG մատակարարման ռեկորդը երրորդ ամսական ռեկորդն էր 2022 թվականին, նախորդները գրանցվել են մարտ և հունվարին։Նախօրեին Չեխիայի Հանրապետության արդյունաբերության և առևտրի նախարար Յոզեֆ Սիկելան հայտնել էր, որ Չեխիայի Հանրապետության ստորգետնյա գազապահեստարաններում կուտակվել է ավելի քան 1 միլիարդ խորանարդ մետր բնական գազ և դրանք լցված են 30%-ով, ինչը պատմության մեջ ռեկորդային ցուցանիշ է մայիսի 1-ի դրությամբ։