Համաշխարհային ինդեքսներ
Ամերիկյան ինդեքսները երկուշաբթի գտնվում էին կանաչ գոտում․ Dow Jones Industrial Average-ը աճել է 0,38%-ով հասնելով մինչև 38386,09 կետի։ S&P 500-ը ավելացել է 0,33 %-ով հասնելով մինչև 5116,17 կետի։ S&P 500 ինդեքսի ֆյուչերսները երեքշաբթի նվազել են 0,10%-ով:
Ճապոնական Nikkei 225-ը աճում է 0,22%-ով հասնելով 38406,0 կետի, կորեական KOSPI-ն ավելանում է 0,39%-ով հասնելով 2697,40 կետի, չինական Shanghai Composite-ը աճում է 0,04%-ից բարձր հասնելով 3114,10 կետի։
Մակրոէկոնոմիկա
1․ Իսպանիայում ինֆլյուացիայի (գնաճի) նախնական գնահատականը տարեկան կտրվածքով կազմել է 3,3%: Շուկան ակնկալում էր տարեկան 3,4%:
2. Գերմանիայում ինֆլյուացիան 2024 թվականի ապրիլի վերջին նախնական տվյալներով տարեկան կտրվածքով կազմել է 2,2%: Ակնկալվում էր տարեկան 2,3%:
Հանքարդյունաբերական շուկաներ
Ոսկին նվազում է 0,57%-ով և մեկ ունիցայի դիմաց վաճառվում $2323-ից ցածր։ Արդյունքների համաձայն նավթային գնանշումները նվազել են։ Այժմ Brent ապրանքանիշի նավթի գինը մեկ բարելի դիմաց գտնվում է $88,5-ից ցածր, WTI-ի գինը մեկ բարելի դիմաց $82,5-ից մի փոքր ցածր։
Կորպորատիվ իրադարձություններ/ միջոցառումներ
1․ Լրատվամիջոցների տվյալների համաձայն, ամերիկյան Tesla-ն կհամագործակցի չինական ինտերնետ-հսկա՝ Baidu-ի հետ, վարորդների աջակցության՝ Full-Self Driving (FSD, ինքնակառավարում) համակարգում քարտեզների և նավիգացիոն գործառույթներ ներդնելու համար չինական շուկայում։
2․ Չինական նավթագազային ՝ China Petroleum & Chemical Corp. (Sinopec) ընկերության 2024 թվականի առաջին եռամսյակի արդյուքների համաձայն մաքուր շահույթը ավելացել է 8,9%-ով հասնելով 18,32 մլրդ յուանի ($2,53 մլրդ): 2023 թվականի առաջին եռամսյակում մաքուր շահույթը կազմել էր 20,1 մլրդ յուանի։ Sinopec-ի եկամուտը տարեկան կտրվածքով կրճատվել է 0,2%-ով հասնելով 789,97 մլրդ յուանի։ Նավթի և գազի արդյունահանումը տարեկան կտրվածքով աճել է 3,4%-ով հասնելով 127,8 մլրդ բարել նավթային համարժեք։
Cube Invest
Մեկնաբանություն