Կոնվերս Բանկի և Ֆիդո Ինվեսթի հետ հնարավոր է կառավարել խնայողությունները։
Կոնվերս Բանկի և Ֆիդո Ինվեսթ ներդրումային ընկերության միջև ստորագրված համագործակցության համաձայնագրով դեռ ամիսներ առաջ սկսվեցին Superra հավելվածի ստեղծման աշխատանքները: Հավելվածն արդեն գործարկվել է և հնարավորություն է տալիս արժեթղթերով գործարքներ իրականացնել երկրորդային շուկայում՝ պարզ, անվտանգ միջավայրում: Ֆիդո Ինվեսթ ներդրումային ընկերության կողմից մշակված այս հավելվածը հնարավորություն է տալիս օգտատերերին կառավարել իրենց խնայողությունները՝ կատարելով ներդրումներ ինչպես դրամով, այնպես էլ արտարժույթ։
Սա Կոնվերս Բանկի bank as a service քաղաքականության շրջանակում ֆինտեխ ընկերության հետ առաջին համագործակցությունն է։ Կարևոր քայլ կապիտալի շուկան զարգացնելու և դրանում ֆիզիկական անձանց փորձառությունը բարձրացնելու տեսանկյունից։
Superra-ն օգտագործման տեսանկյունից պարզ է, կա նախքան գրանցումը որպես հյուր գործիքին ծանոթանալու հնարավորություն։ Իսկ գործընթացն ավտոմատացված է։ Առաջիկայում հավելվածը հասանելի կդառնա նաև Converse Mobile բջջային հավելվածում։ Ընդամենը հաշված վայրկյաններ, և օգտատերը կարող է բացել հաշիվ և կատարել ներդրումներ առանց բանկ կամ ներդրումային ընկերություն այցելելու։
Այս պահին Superra-ում ներկայացված են Հայաստանի պետական և կորպորատիվ արժեթղթերը։ Աստիճանաբար Superra-յի հնարավորությունները կընդլայնվեն՝ ներառելով զարգացող շուկաներում թողարկված արժեթղթեր:
