ՀՀ հեռահաղորդակցության շուկայի ծավալը 2025-ին կկազմի 159,9 մլրդ դրամ
Հունիսին Հայաստանից կոնյակով բեռնված 122 մեքենա է մուտք գործել Ռուսաստան․ Էկոնոմիկայի նախարարություն
Louis Vuitton-ը Շանհայում բացել է «The Louis» կրուիզային նավի ոճով խանութ
Հուլիսի 1-ի դրությամբ Հայաստանից ավելի քան 1300 բեռնատար ծիրան է արտահանվել․ Էկոնոմիկայի նախարարություն
Google-ը պարտավորվել է 314 մլն դոլար վճարել Android-ի օգտատերերի տվյալների գաղտնի հավաքագրման համար
Մեկ օրում բացահայտվել է 98 հանցագործություն. գրանցվել է 14 ավտովթար. զոհվել է 4, վիրավորվել՝ 19 մարդ
Թրամփի ընտանիքի կրիպտոնախագիծը ներգրավել է $220 միլիոն բիթքոյնի մայնինգի համար
«Կորովկա» ռուսական պաղպաղակի Հայաստան ներմուծումը ժամանակավորապես արգելվել է
Վրաստանից արտաքսվել են Հայաստանի, Ադրբեջանի և ևս 10 երկրների քաղաքացիներ
Առանց վարորդական իրավունք մեքենա վարելու համար տուգանքը նախատեսվում է կրկնակի մեծացնել՝ սահմանելով 50,000 դրամ
Alibaba-ն 7 միլիարդ դոլար կծախսի նոր օգտատերեր ներգրավելու համար
Սանկտ Պետերբուրգում ձերբակալվել է Ադրբեջանի քաղաքացի՝ 46 միլիոն ռուբլուց ավելի խարդախության համար
5 մարքեթինգային դաս մեդիայի, մենեջմենթի և նորաձևության լեգենդից․ մանրամասները՝ ABNews.am կայքում
Արտերկրից կատարված դրամական փոխանցումների զուտ ներհոսքը 5 ամսում ավելացել է 13,9%–ով
Bentley-ն 106 տարվա ընթացքում հինգերորդ անգամ փոխել է իր տարբերանշանը
ՀէՑ-ից բացի հայկական որ ընկերությունները կարող են ազգայնացվել․ վերլուծությունը հասանելի է ABNews.am կայքում
Մայիսին եկամուտ ստացող աշխատատեղերի թվաքանակը կազմել է 790,320, ինչը գերազանցել է նախորդ տարվա նույն ամսվա ցուցանիշը` 38,060-ով. ՊԵԿ
Իմփաքթ Հաբ երևանը տոնեց իր 10-ամյակը․ դիտեք ABNews.am կայքում
ԱԺ-ն առաջին ընթերցմամբ ընդունեց օրենքի նախագիծը, որը թույլ կտա ազգայնացնել ՀԷՑ-ը
IDBank-ը Հոմպլեքս Մոլում է․ նոր մասնաճյուղի բացումը դիտեք ABNews.am կայքում

Նոյեմբերի 26-ի տնտեսական լուրերը

Նյմ 26, 2024 20:41
16

1. QR ուղետոմսերի վավերականության ժամկետը կրճատվում է

Երևանի քաղաքապետարանը հայտարարում է, որ տոմսային համակարգի անխափան աշխատանքի ապահովման նպատակով QR ուղետոմսերի վավերականության ժամկետը սահմանվել է 7 օր։ Նշվում է նաև, որ բանկային քարտերով վճարումների գործարկումը մոտենում է ավարտին, և շուտով կիրականացվեն համապատասխան փորձարկումներ։

2. ՊԵԿ-ը բացահայտել է ստվերային շրջանառության դեպքեր

Պետական եկամուտների կոմիտեն բացահայտել է շուրջ 260 միլիոն դրամի ստվերային շրջանառության դեպք։ Սննդամթերքի առևտրով զբաղվող ընկերության բացահայտումից հետո պետական բյուջե լրացուցիչ վճարումներ են ապահովվել՝ ներառյալ ավելացված արժեքի հարկ և շահութահարկ։

3. Գյուղատնտեսական վարկերի սուբսիդավորում 2025-ից

Կառավարությունը 2025 թվականի հունվարից կսուբսիդավորի կարկուտի հետևանքով տուժած գյուղատնտեսների վարկերը։ Օժանդակությունը կտրվի այն տնտեսվարողներին, որոնց մշակաբույսերը կամ տնկարկները կրել են 50-100% վնաս։ Սուբսիդավորման վերջնաժամկետը 2025 թվականի մայիսն է։

4. Տնտեսական ակտիվության աճ Հայաստանում

2024 թվականի հունվար-հոկտեմբերին տնտեսական ակտիվության ցուցանիշը աճել է 8.1%-ով։ Առևտուրը, արդյունաբերությունը, շինարարությունը և ծառայությունների ոլորտը ապահովել են այդ աճը՝ համապատասխանաբար 18.8%, 11.7%, 15.5% և 5.5% ցուցանիշներով։

5. Հայաստանի արտաքին առևտրաշրջանառության ծավալները

Հայաստանի և այլ երկրների միջև արտաքին առևտրաշրջանառությունը 2024-ի առաջին 10 ամիսներին կազմել է 26.2 միլիարդ ԱՄՆ դոլար։ Ներմուծումն ու արտահանումն ապահովել են համապատասխանաբար 14.7 և 11.5 միլիարդ դոլար ծավալ։

6. Թրամփի նոր առաջարկած տուրքերը՝ մեքսիկական և կանադական ապրանքների վրա

ԱՄՆ նորընտիր նախագահ Դոնալդ Թրամփը հայտարարել է 25% տուրքերի սահմանման մասին մեքսիկական և կանադական ապրանքների համար՝ նպատակ ունենալով պայքարել անօրինական միգրացիայի և թմրանյութերի մաքսանենգության դեմ։

7. Telegram-ի թվային ակտիվների աճը

Telegram-ի թվային ակտիվների արժեքը 2024-ի առաջին կիսամյակում աճել է մինչև 1.3 միլիարդ դոլար։ Հունվարից հունիս ընկած ժամանակահատվածում Telegram-ի եկամուտը հարկումից հետո կազմել է 335 միլիոն դոլար, մինչդեռ ամբողջ 2023-ին 342 միլիոն դոլար է եղել: Փաստաթղթերի համաձայն՝ անանուն կողմի հետ գործարքից ստացվել է 225 միլիոն դոլար:

8. Վրաստանի հաջողությունները հանքային ջրի արտահանումում

Վրաստանը 2024-ի հունվար-հոկտեմբերին հանքային ջրի արտահանումից վաստակել է 143.5 միլիոն դոլար։ Ռուսաստանը մնում է արտահանման հիմնական շուկան, որին հաջորդում են Ղազախստանը, Ուկրաինան, Ուզբեկստանը և Լիտվան։

9. Նոր նշանակումներ ՊԵԿ-ում

Ռուստամ Բադասյանին ՊԵԿ նախագահի պաշտոնում կփոխարինի 33-ամյա Էդուարդ Հակոբյանը, որը մինչ այժմ զբաղեցնում էր ֆինանսների փոխնախարարի պաշտոնը: Հակոբյանը մասնագիտությամբ մակրոտնտեսագետ է և 2016 թվականից աշխատել է ֆինանսների նախարարությունում: Նա ղեկավարել է մակրոտնտեսական վարչության աշխատանքները և դարձել վարչության պետ, այնուհետև՝ փոխնախարար: