Brand Finance-ի վերջին ուսումնասիրության համաձայն՝ Apple-ը կրկին գլխավորել է աշխարհի ամենաթանկ բարձր տեխնոլոգիական բրենդների ցանկը՝ շրջանցելով նախորդ տարվա առաջատար Amazon-ին, որը մրցակիցների ակտիվ աճի պատճառով իջել է չորրորդ տեղ:
Interfax-ի հաղորդմամբ, մեկ տարում Apple-ի բրենդի արժեքն աճել է 74%-ով և հասել $516,6 միլիարդի, մինչդեռ Amazon-ի արժեքը աճել է ընդամենը 3,2%-ով՝ հասնելով $308,9 միլիարդի: Վարկանիշում երկրորդ տեղը զբաղեցրել է Microsoft-ը՝ աճելով գրեթե 78%-ով (մինչև $340,4 միլիարդ), իսկ Google-ը պահպանել է իր երրորդ տեղը՝ ցուցադրելով 18,5% աճ (մինչև $333,4 միլիարդ):
Այս չորս ընկերությունները նաև աշխարհի ամենաթանկ բրենդների ընդհանուր ցանկում առաջատարներն են:
Տեխնոլոգիական հատվածում առավել զգալի աճը գրանցել է Nvidia-ն, որի բրենդի արժեքը 2,6 անգամ ավելացել է՝ հասնելով $44,5 միլիարդի՝ արհեստական բանականության ոլորտում միկրոչիպերի բարձր պահանջարկի շնորհիվ: Այժմ այն գտնվում է լավագույն տասնյակի եզրին:
Վարկանիշի հինգերորդ տեղը զբաղեցնում է TikTok-ը ($84,2 միլիարդ), իսկ վեցերորդը՝ Samsung-ը ($82,2 միլիարդ): Այս երկու ընկերություններն են միայն, որ ոչ ամերիկյան բրենդներ են լավագույն տասնյակում:
Ցուցակում հաջորդում են Facebook-ը՝ $75,7 միլիարդ արժողությամբ բրենդով, Instagram-ը ($70,4 միլիարդ) և Oracle-ը ($53,1 միլիարդ):
Մեկնաբանություն