ԱՄՆ-ում հուլիսին սպառողական գների ինդեքսը տարեկան կտրվածքով աճել է 2.9%-ով՝ գրանցելով 2021թ.-ից ի վեր գների ամենափոքր տարեկան աճը։
Համաձայն Reuters-ի կողմից տնտեսագետների շրջանում կատարված հարցման արդյունքների՝ Եվրոպական կենտրոնական բանկն այս տարի ևս երկու անգամ՝ սեպտեմբերին և դեկտեմբերին կնվազեցնի տոկոսադրույքները։
ԱՄՆ 30 տարեկան հիփոթեքային պարտատոմսերի միջին տոկոսադրույքն այս շաբաթվա ընթացքում մոտեցել է վերջին 15 տարիների նվազագույն մակարդակին, ինչը պայմանավորված է գնաճի տեմպի դանդաղեցման ֆոնին գանձապետական պարտատոմսերի եկամտաբերության նվազմամբ։
Fitch Ratings միջազգային վարկանշային գործակալությունը նվազեցրել է Իսրայելի երկարաժամկետ թողարկողի վարկանիշը «A+»-ից մինչև «A»՝ պայմանավորված աշխարհաքաղաքան իրավիճակով։ Fitch-ը նաև վարկանիշի հեռանկարն է թողել «բացասական», ինչը նշանակում է, որ հնարավոր է վարկանիշի հետագա նվազեցում։
Եվրոպական STOXX 600 ինդեքսը տոկոսադրույքների նվազեցման սպասումների ֆոնին շաբաթվա ընթացքում աճել է 2.4%-ով՝ գրանցելով վերջին 3 ամիսների առավելագույն մեկշաբաթյա աճը։
Մեկնաբանություն