Այս տարվա հունվարից հոկտեմբեր ընկած ժամանակահատվածում Վրաստանը վերաարտահանել է 64 հազար ավտոմեքենա: Ընդհանուր եկամուտը կազմել է $661 միլիոն, ինչը 77%-ով ավելի է, քան 2021 թվականին: Տասը ամսվա ընթացքում Վրաստանից ամենաշատը ավտոմեքենա է ուղարկվել Ադրբեջան: Հունվարից հոկտեմբեր ընկած ժամանակահատվածում ադրբեջանցիները գնել են ավելի քան 25 հազար ավտոմեքենա: Երկրորդ տեղում Ուկրաինան է: Տասը ամսվա ընթացքում Վրաստանից այդ երկիր է տեղափոխվել ավելի քան 12,4 հազար ավտոմեքենա:
Երրորդ տեղը զբաղեցրել են Հայաստանի քաղաքացիները, որոնք գնել են ավելի քան 8,2 հազար ավտոմեքենա՝ $84,2 միլիոն ընդհանուր արժողությամբ: Վրաստանում գնված ավտոմեքենաների քանակով Ռուսաստանը չորրորդ տեղում է:
Այս տարվա հունվարից հոկտեմբեր ընկած ժամանակահատվածում Ռուսաստան է վերաարտահանվել ավելի քան 3,8 հազար ավտոմեքենա՝ $55,3 միլիոն ընդհանուր արժեքով: Ռուսաստանին հաջորդում են Ղազախստանը, Ղրղզստանը, Բելգիան, Տաջիկստանը, Արաբական Միացյալ Էմիրությունները եւ Բելառուսը:
Մեկնաբանություն