2024-ի մայիսին Հայաստանում աշխատատեղերը աճել են 37,269-ով, հասնելով 752,260-ի ռեկորդային ցուցանիշի
Քո կողքին. IDBank-ի idcoin-ով աջակցությունը արցախցիներին. մանրամասները՝ ABnews.am կայքում
ԻՆչ կլիներ եթե Լարիք Քինգը հարցազրույց վերցներ ChatGPT-ից. մանրամասները՝ ABnews.am կայքում
Եղանակի տեսությունը հուլիսի 20-ին. սպասվում է եղանակի կտրուկ փոփոխություն. մանրամասները՝ ABnews.am կայքում
Հուլիսի 20-ի միջազգային առևտրի վիճակագրական ամփոփումը. մանրամասները՝ ABnews.am կայքում
Triple S վենչուրային ընկերությունը 150,000 ԱՄՆ դոլար ներդրում է կատարել Sparxell ստարտափում
Հայաստանի արտաքին առևտրաշրջանառությունը 2024թ. հունվար-մայիսին կազմել է 16․34 մլրդ դոլար. առաջատար գործընկերը Ռուսաստանն է
ՀՀ բանկերում 2024թ. ապրիլի դրությամբ սպասարկվում է 4.76 մլն հաճախորդ
Երևանի և մարզերի մի շարք հասցեներում լույս չի լինի. մանրամասները՝ ABnews.am կայքում
Ինչ չանել, երբ փորձում եք մոտիվացնել ձեր թիմը. HBR. մանրամասները՝ ABnews.am կայքում
Հուլիսի 20-ի կրիպտոարժույթների փոխարժեքները. մանրամասները՝ ABnews.am կայքում
Բիզնես Ozon-ում՝ ինչպե՞ս խանութ բացել մարքեթփլեյսում ընդամենը 4 քայլով. մանրամասները՝ ABnews.am կայքում
Հունիսին ՀՀ-ում սննդամթերքի և ոչ ալկոհոլային խմիչքի գներն աճել են 0.7%-ով, միրգը և բանջարեղենը՝ 6.3% և 7%-ով
Եղանակի տեսությունը հուլիսի 19-ին․ օդի ջերմաստիճանը կնվազի․ մանրամասները՝ ABnews.am կայքում
Գանայում կակաոյի բերքը նվազել է ավելի քան 50%-ով. աշխարհում շոկոլադիր գնաճ է սպասվում
Microsoft-ի բաժնետոմսերն ընկել են 3.15%-ով՝ համաշխարհային խափանումների ֆոնին
OpenAI-ը ներկայացրել է GPT-4o Mini նոր նեյրոցանցը
Ռուսաստանի և Վրաստանի միջև առևտրաշրջանառությունը հունվար-հունիսին նվազել է 5.8%-ով
Windows-ի համաշխարհային խափանման պատճառով «Զվարթնոց»-ում ևս խափանումներ են եղել
Դոլարի և ռուբլու փոխարժեքներն աճել են, ոսկու գինը՝ նվազել. ՀՀ ԿԲ, 19/07/24

Հայաստանը մեծ աշխարհաքաղաքականության կիզակետում

Փտր 13, 2024 14:13
44
ADS

Ամունդի-Ակբա տնտեսական համաժողովի վերջին քննարկումը վերաբերում էր աշխարհաքաղաքականությանը Հարավային Կովկասում և դրա ազդեցությանը Հայաստանի տնտեսության վրա։ Թեման ներկայացվեց հարցազրույցի ձևաչափով՝ ՀՀ Կենտրոնական բանկի նախագահ Մարտին Գալստյանի և Աշխարհաքաղաքական գիտությունների դոկտոր, Փարիզի Սիանս-Պո (Sciences Po) Քաղաքական հետազոտությունների ինստիտուտի դասախոս Ֆրեդերիկ Անսելի մասնակցությամբ։ Հարցազրույցը վարում էր Ամունդի-Ակբայի գործադիր տնօրեն Ժան Մազեջյանը։

Ֆ․ Անսելն տարածաշրջանային իրողությունների վերաբերյալ իր խոսքում նշեց, որ որպես հայկական կոլեկտիվի ներկայացուցիչներ պետք է կարողանանք ներկայացնել մեր ինքնությունը, հասկանանք ինչ նպատակներ ունենք մենք և մեր հակառակորդները։ Պետք է նրանց ռազմավարությունն ու մարտավարությունը գերազանց ձևով ճանաչել։  Նրա դիտարկմամբ աշխարհաքաղաքականության համատեքստում առաջին հերթին ուժերի բալանսն է։ Կարևոր դեր է խաղում պետության սուվերենությունը։

Ինչ վերաբերում է երկրների աշխարհագրական դիրքին, ապա Կովկասի և հատկապես Հայաստանի դիրքը առանձնահատուկ է և աշխարհաքաղաքական առումով այն մեծ կշիռ ունի՝ չնայած ունի փոքր տարածք և բնակչություն։ Պատերազմը նոր բան չէ։ Այսօր աշխարհում կան բազմաթիվ ճգնաժամեր ու անորոշությունն օրեցօր մեծանում է։ Դրա հանդեպ առավել զգայուն է հատկապես տնտեսական ոլորտը, որովհետեւ այս տատանումների ուղիղ կրողն է։

Հաշվի առնելով քաղաքական զարգացումներն աշխարհում, կարևոր ենք համարում նաև անդրադառնալ այդ խնդրին Հայաստանյան համատեքստում, թե ինչպես է այն ազդում երկրի տնտեսության վրա։ Օրեցօր ավելանում են անորոշությունները՝ ինչպե՞ս պետք է գործի Կենտրոնական բանկը, ինչպե՞ս պետք է ապահովի ֆինանսական կայունություն։ Այս հարցադրմանը  ՀՀ ԿԲ նախագահ Մարտին Գալստյանը պատասխանեց, որ Կենտրոնական բանկերը կանխատեսումներ անող կառույցներ չեն, նրանց կարողությունները սահմանափակ են և անկախ նրանից գտնվում են զարգացած թե զարգացող երկրներում ունեն կարևոր գործառույթներ, այն է՝ ֆինանսական կայունության ապահովումը, դրամավարկային քաղաքականությունը, գնաճի դեմ պայքարը և մակրոտնտեսական կայունությունը։ Վերջին տարիներին կառուցում են սցենարներ, որոնց միջոցով փորձում են կառավարել ռիսկերը, իսկ հանրությանը տեղեկացնում են, թե ինչ է մտածում ԿԲ խորհուրդը։

Համաժողովի ընթացքում Մ․ Գալստյանը ընդգծեց, որ ընդհանուր աշխարհաքաղաքական զարգացումների արդյունքում հետաքրքրությունը Հայաստանի նկատմամբ աճել է, ինչը նպաստել է ավելի բարենպաստ տնտեսական միջավայրի ձևավորմանը։ Ռուս-ուկրաինական հակամարտության հետևանքով Հայաստան տեղափոխվածների  տնտեսական ազդեցությունը ևս նշանակալից է հատկապես որոշ ոլորտների պարագայում, սակայն պետք է պատրաստ լինել նաև հնարավոր զարգացումներին, եթե ռելոկանտները որոշեն հեռանալ երկրից։

Քննարկման առանցքում էր նաև «խաղաղության համաձայնագիրը», որը ստորագրելու հավանականությունն Անսելի կարծիքով շատ մեծ է և, որ հայ-թուրքական սահմանի բացումը պայմանավորված է այդ համաձայնագրով։ Նրա համոզմամբ դա կնպաստի ՀՀ տնտեսության զարգացմանը։

Անդրադառնալով հայ-թուրքական սահմանի բացման վերաբերյալ մտավախություններին՝ Մարտին Գալստյանը նշեց, որ պետք է պատրաստ լինել և մեծացնել կարողությունը Հայաստանում մշակելու և վարելու խելացի քաղաքականություն։ Նրա գնահատմամբ պետք է պատրաստ լինել տնտեսության վրա ազդեցություն ունեցող հնարավոր սցենարներին և ունենալ իրավիճակին արձագանքելու գործիքակազմ։ Ամենակարևորը նոր գաղափարներն են, գիտելիքների հարստացումը, կարողությունները զարգացնելը, ոչ թե վախենալը։

Մեկնաբանություն