Apple-ը խնդիրներ ունի iPhone 14-ի գրեթե ողջ շարքի նախնական պատվերների առաքման հարցում,- հայտնում է MyDrivers-ը։
Նշվում է, որ Apple-ի նոր սմարթֆոնները նախապես պատվիրած առաջին գնորդները սարքերը կստանան ժամանակին։ Առաջին առաքումները կսկսվեն սեպտեմբերի 16-ից։ Միակ բացառությունը iPhone 14 Plus-ն է, որն ի սկզբանե նախատեսված էր վաճառքի հանել հոկտեմբերի 7-ին: Այնուամենայնիվ, հիմնական iPhone 14-ի և առաջատար Pro մոդելների մեծ պահանջարկի պատճառով սպասարկման ժամկետը երկարացվել է մինչև միջինը 4 և 5 շաբաթ: Այսպիսով, ԱՄՆ-ում և Կանադայում iPhone 14 Pro-ի և Max-ի գրեթե բոլոր մոդիֆիկացիաները կսկսեն առաքվել հոկտեմբերի կեսերից ոչ շուտ, մինչդեռ եվրոպական Apple խանութներում iPhone 14 Pro-ն կմատակարարվի միայն հոկտեմբերի վերջին։ Չինաստանում, օրինակ, 256 ԳԲ ծավալով iPhone 14 Pro-ն խոստանում են մատակարարել հոկտեմբերի 26-ից նոյեմբերի 2-ը։
Օգոստոսի վերջին լրատվամիջոցներին հայտնի դարձավ, որ iPhone 14-ի թողարկումից 2-3 ամիս անց դրանք կսկսեն հավաքվել ոչ միայն Չինաստանում, այլև Հնդկաստանում։ Այս կերպ ընկերությունը հույս ունի նվազեցնել կախվածությունը Պեկինի որոշումներից և հաղթահարել նոր ապրանքների մեծ պահանջարկը։Ավելի վաղ Gazeta.Ru-ն հայտնել էր, որ Ռուսաստանում iPhone 14-ն ու iPhone 14 Plus-ը կազմել են նախնական պատվերների միայն 10%-ը։
Մեկնաբանություն