Տնտեսագետ Էրդալ Կարագելը նշել է, որ Եվրոպան երկու մասի է բաժանվել ռուսական գազի մատակարարումների վերաբերյալ հարցերի շուրջ։
Փորձագետը կարծում է, որ Ռուսաստանից բնական գազի ներկրման դադարեցման պատճառով եվրոպական որոշ երկրներ կկանգնեն մեծ ռիսկերի առաջ։ Նա հիշեցրել է, որ Գերմանիան ՝ Եվրոպայի առաջատար տնտեսություններից մեկը, իր սպառած բնական գազի մոտ 40%-ը ներկրում է Ռուսաստանից, Ֆրանսիան ՝ 25%-ը, իսկ Իտալիան ՝ մոտ կեսը։
Սակայն, օրինակ, Բրիտանիան և Իսպանիան ավելի քիչ են կախված Ռուսաստանի վառելիքից։
«Շատ երկրներ լիովին կախված են Ռուսաստանից, կողմերի տարաձայնությունները, թե ինչպես և երբ են լուծելու այդ հարցը, շարունակվում են։ Նրանք լիովին չեն բավարարել էներգակիրների համար ռուբլով վճարելու տարբերակը կյանքի կոչելու Ռուսաստանի պահանջը։ Հետևաբար, դրանք բաժանվում են երկուսի, որովհետև Ռուսաստանից գազային կախվածության բարձր տեմպերն անմիջապես չեն դադարի, և մեծ մտավախություն կա, որ դա տնտեսական անկում կառաջանա»,- գրում է Կարագելը։
Ավելի վաղ գերմանացի տնտեսագետ Ախիմ Տրյուգերը հայտարարել էր, որ ռուսական գազի մատակարարումների դադարեցումը կարող է հանգեցնել Գերմանիայում հարյուր հազարավոր աշխատատեղերի կորստի։
Հաղորդվել է նաև, որ Գերմանիան «ճգնաժամային պլան» է պատրաստում Ռուսաստանից գազի մատակարարումների հանկարծակի դադարեցման դեպքում։
Մեկնաբանություն