ՕՊԵԿ+ նավթ արտահանող կազմակերպության անդամ երկրները որոշել են այս տարվա նոյեմբերից կտրուկ կրճատել նավթի արդյունահանումը օրական 2 մլն բարելով, ինչը համարժեք է համաշխարհային մատակարարման 2 տոկոսին: Հիմնական կրճատումը տեղի կունենա Սաուդյան Արաբիայի և Ռուսաստանի հաշվին։ Հիմա, ըստ մասնագետների, նավթի գինը ինքնարժեքից մի քանի անգամ բարձր է: Քովիդից հետո առաջին անգամ է, որ ՕՊԵԿ երկրները արդյունահանման ծավալը որոշում են կրճատել: Չնայած արդյունահանման կրճատումը նախատեսվում է նոյեմբերից, սակայն այդ որոշման մասին հայտարարությունն արդեն որոշակիորեն ազդել է նավթի գնի աճի վրա: Մասնագետների համոզմամբ՝ այս որոշումը կվնասի ոչ միայն Եվրամիության, այլև զարգացող երկրներին: Հայաստանը ևս անմասն չի մնա գործընթացի ազդեցությունից: Տնտեսագետների խոսքով՝ եթե մինչև հիմա համաշխարհային գնաճը Հայաստանում մեղմվել է դրամի արժևորման հաշվին, այս պահին, երբ արժույթի շուկան որոշակիորեն կայունացել է, տեղի ունեցող ցանկացած փոփոխություն կազդի գնաճի վրա:
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն