“Օրերս հայտնի դարձավ, որ Հայաստանում քննարկվում է ռուսական գազը ռուբլով գնելու հարցը:
Բնական է, որ և՛ տնտեսական և՛ հանրային հետաքրքրությունների տեսանկյունից հարցն ունի բավական լայն հնչեղություն: Տեսականորեն, այլհավասար պայմաններում ռուբլով ռուսական գազի ձեռքբերումը կնվազեցնի դոլարից մեր տնտեսության կախվածությունը: Եվս մեկ ուղղությամբ, այն է արտահանումը, ևս տեսականորեն կարող է օգուտներ քաղել, քանի որ ներկայումս արտահանման ուղղությամբ խնդիրների մի էական հատված պայմանավորված է ռուբլու կուրսի տատանողականությամբ, իսկ ռուբլով գազի դիմաց վճարման պարագայում, ռուբլու կայունացումը կաշխատի ի նպաստ: Էստեղ դիտարկելի է նաև դրամ-դոլար-ռուբլի փոխարժեքներից ստացվող ճնշման գործոնը, ինչպես նաև հանգամանքը, որ տրանսֆերտների տեսքով Հայաստան փոխանցվում է ռուբլի, որը փաստորեն կարող է ուղղվել գազի գնմանը: Բայց այս ամենը առայժմ միայն տեսականորեն, մի շարք «եթե»-ների առկայության պարագայում”:
JavaScript seems to be disabled in your browser. You must have JavaScript enabled in your browser to utilize the functionality of this website.
