Meta Platforms Corporation-ը նախատեսում է Facebook և Instagram հարթակների օգտատերերին գովազդն անջատելու վճարովի տարբերակ առաջարկել։ Այս մասին երկուշաբթի օրը հայտնել է The Wall Street Journal-ը,- գրում է fintech.am-ը:
Նրա խոսքով՝ նորամուծությունը կարող է ազդել այդ ծառայությունների եվրոպացի օգտատերերի վրա։ Արժեքը կախված կլինի այն սարքից, որի վրա կիրառվում է հավելվածը: Այն օգտատերերը, ովքեր իրենց հաշիվ մուտք կգործեն համակարգչից, ամսական կվճարեն մոտ $10,5, սմարթֆոններից օգտվել նախընտրողների համար գինը կկազմի մոտ $14։ Facebook-ից և Instagram-ից օգտվել հնարավոր կլինի անվճար, սակայն այս դեպքում հաշվի սեփականատերը կտեսնի անհատականացված գովազդ։
Ինչպես նշում է հրատարակությունը, այս կերպ Meta-ն հույս ունի շրջանցել Եվրամիության կանոնները, ինչը սպառնում է սահմանափակել օգտատերերին անհատականացված գովազդ ցուցադրելու հնարավորությունը՝ առանց նրանց նախնական համաձայնության։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն