Սեպտեմբերյան շնորհանդես
Apple-ը iPhone 14-ը ուղիղ եթերում չի ներկայացնի
Apple ընկերությունն սկսել է տեսագրել իր սեպտեմբերյան շնորհանդեսը, որում կներկայացնի iPhone 14-ը, Apple Watch Series 8 խելացի ժամացույցը եւ ապրանքանիշի այլ նորամուծություններ: Bloomberg-ը հայտնում է, որ նախապատվությունը տրվել է նախապես ձայնագրված տեսանյութին: Apple-ն այս տարի աշնանը նախատեսել է նախորդ տարիների նման միանգամից երկու միջոցառում Սեպտեմբերյան շնորհանդեսը կկենտրոնանա iPhone-ի եւ Apple Watch-ի վրա, իսկ հոկտեմբերի երկրորդ միջոցառումը Mac-ի եւ iPad-ի վրա:
Ֆիքսված գին
Apple-ը մտադիր չէ թանկացնել iPhone 14-ի բազային մոդելի գինը
Ի դեպ MacRumors պարբերականը տեղեկացնում է, որ iPhone 14-ի բազային մոդելը կգնահատվի 799 դոլար: Ընկերությունը որոշել է չթանկացնել մեկնարկային գինը: Հիշեցնեմ, որ iPhone 12-ը նույնպես գնահատվել էր 799 դոլար: Լրատվամիջոցի աշխատակիցները սարքի արժեքը նշելիս հղում են կատարել կորեական Naver բլոգի հեղինակների հաշվետվությանը, որոնք վստահ են, որ Apple-ը չի պատրաստվում բարձրացնել սմարթֆոնի գինը: Համաձայն ինսայդերների ձեռք բերած տեղեկության՝ iPhone 14-ի արժեքը կսկսվի 799 դոլարից. Մասնագետները նշել են, որ ամերիկյան ընկերությունն այդ կերպ մտադիր է ավելացնել վաճառքը եւ ծածկել պահանջարկի նվազումը: սմարթֆոնների գլոբալ շուկայի տեմպի դանդաղման ֆոնին:
Թանկացում
Samsung-ի ծալովի սմարթֆոնը կթանկանա
OnLinks մականունով ինսայդերն իր թվիթերյան միկրոբլոգում հայտնել է, որ գաղտնազերծել է Samsung ապրանքանիշի օգոստոսին ներկայացվելիք ապրանքների արժեքները: Ըստ աղբյուրի սմարթֆոններն ու խելացի ժամացույցները ավելի թանկ կլինեն, քան առկա սերիայի սարքերը։ Այսպիսով, Galaxy Z Fold 4 ծալովի հեռախոսի արժեքը 256 գիգաբայթ հզորությամբ տարբերակի համար կլինի 1799 եվրո, 512 գիգաբայթ հզորությամբ տարբերակը՝ 1919 եվրո։ Հեղինակը նկատել է, որ Samsung-ը թանկացրել է ծալովի դիսփլեյով գաջեթները։ Օրինակ՝ Galaxy Z Flip 4-ը 70 եվրոյով ավելի թանկ կլինի, քան Galaxy Z Flip 3-ը։ Իսկ Galaxy Watch 5 սմարթ ժամացույցը կարժենա 299 եվրո, ներկառուցված SIM քարտով տարբերակը՝ 349 եվրո։
Unpacked 2022 Samsung-ը ներկայացրել է երկու նոր ծալվող հեռախոս
Samsung-ն անցկացրել է Unpacked 2022-ի շնորհանդեսը։ Ընկերությունը ներկայացրել է Galaxy Z Flip 4, Galaxy Z Fold 4 ծալովի հեռախոսները: Բոլոր սարքերի վաճառքը կսկսվի օգոստոսի 26-ին, մինչև այդ ընկերությունն ընդունում է նախնական պատվերներ։ Galaxy Z Fold4 սմարթֆոնն աշխատում է Android 12L օպերացիոն համակարգով, որը նախատեսված է պլանշետների եւ ծալովի սարքերի համար: Այս տարբերակի հավելվածները տարբերվում են ստանդարտներից. օրինակ՝ TikTok-ում կարող եք մեկնաբանությունները կարդալ տեսանյութը դիտելու ընթացքում: Նոր ինտերֆեյսն օգտակար կլինի ոչ միայն ժամանցի համար։ Բարելավված բազմաէկրան ռեժիմը եւ նախընտրած հավելվածներով դոկը հեշտացնում են էլ. փոստի եւ գրասենյակային հավելվածների հետ աշխատանքը: 4400 մԱժ մարտկոցն ապահովում է 25 Վտ արագ լարային լիցքավորում՝ 15 Վտ առավելագույն հզորությամբ անլար եղանակով: Անջրանցիկ ստանդարտը IP68 է: Galaxy Z Fold5-ն օգոստոսի 26-ից հասանելի կլինի բեժ, մոխրագույն եւ սեւ գույներով՝ սկսած 1799 դոլարից:
Անտեսանելի տեսախցիկ
Huawei-ը ցուցադրել է անտեսանելի տեսախցիկով իր առաջին սմարթֆոնը
Huawei ընկերությունը նախատեսում է թողարկել անտեսանելի տեսախցիկով սմարթֆոն: MyDrivers պորտալը նշում է, որ սարքի տեսախցիկը տեղադրված է լինելու էկրանի տակ: Նոր գաջեթի մասին եզրակացությունն արվել է Huawei HarmonyOS 3.0 օպերացիոն համակարգի նոր տարբերակի թողարկման մասին գովազդից հետո? Տեսանյութում ներկայացված է անհայտ սմարթֆոն,առանց առջեւի տեսախցիկի կտրվածքների: Արտաքնապես այն նման է այս տարվա սկզբին ներկայացված Huawei P50 Pocket-ին: Էկրանի տակ գտնվող տեսախցիկի տեխնոլոգիան վերացնում է առանձին կտրվածքի անհրաժեշտությունը, քանի որ ոսպնյակը գտնվում է էկրանի տակ: Երբ օգտատերը պետք է լուսանկարի, տեսախցիկի վերեւում գտնվող էկրանը դառնում է թափանցիկ՝թույլ տալով օգտատիրոջը նկարել: Որոշ այլ ընկերություններ արդեն կիրառել են նման տեսախցիկներ, սակայն Huawei-ի շարքում նման սմարթֆոն դեռեւս չկա:
Նորույթ
YouTube-ը ունի նոր` zoom գործառույթ
YouTube-ի ադմինիստրացիան սկսել է իրականացնել նոր գործառույթի թեստավորում, որն արդեն հասանելի է դարձել Պրեմիում բաժանորդագրություն ունեցող օգտատերերին: Տեսանյութը ամբողջական էկրանով ընդլայնելու փոխարեն YouTube Premium-ի օգտատերերը կկարողանան մատների օգնությամբ «ձգելե տեսանյութը? ցանկալի հատվածը մեծացնելու համար: Android սմարթֆոններով պրեմիում անդամները արդեն իսկ կարող են փորձել նոր գործառույթը: Գործառույթը փորձարկվելու է միայն մինչեւ սեպտեմբերի 1-ը. այդ ժամանակահատվածը YouTube-ի ադմինիստրացիայի համար բավարար կլինի գնահատելու նորւյթի արձագանքները: Բոլոր մյուս օգտատերերի համար գործառույթի իրականացման ժամկետը դեռեւս չի հայտարարվել:
Արբիտրաժի նոր ծառայության
Wildberries-ը կգործարկի կեղծիքներից պաշտպանվելու ծառայություն
Wildberries-ը հայտարարեց թվային արբիտրաժի նոր ծառայության գործարկման մասին, որը հեղինակային իրավունքի սեփականատերերին և գնորդներին կպաշտպանի հնարավոր կեղծիքից: Նոր ծառայության շնորհիվ հեղինակային իրավունքի սեփականատերը կկարողանա անմիջականորեն շփվել այլ վաճառողների հետ: Այսպիսով, նա կկարողանա պաշտոնական բողոքարկում ստեղծել իր մտավոր սեփականության իրավունքների խախտման վերաբերյալ ենթադրության դեպքում և ինքնուրույն իրականացնել սեփականության իրավունքի փաստաթղթերի ստուգում: Ապրանքները կվերացվեն առցանց խանութի ցուցափեղկից, եթե տիտղոսային փաստաթղթերը չտրամադրվեն, նաև, եթե դրանք հուսալի չեն: Այն նաև նախատեսում է վաճառողի հետ գործակցության ամբողջական կասեցում:
Պատժամիջոցների հետևանքները
Siemens Energy-ն դադարեցնում է գործունեությունը Ռուսաստանում
Siemens Energy-ն կդադարեցնի գործունեությունը Ռուսաստանում: Ընկերությունն արդեն սկսել է երկրում բիզնեսի վերակազմավորման գործընթաց, որը նախատեսում է ավարտել մինչև 2022 թվականի վերջ: Siemens-ն ընդգծել է, որ ԵՄ պատժամիջոցները սկսել են էական ազդեցություն ունենալ Ռուսաստանում բիզնես գործունեության վրա, ուստի նպատակահարմար չէ շարունակել աշխատանքը երկրում: Ըստ կանխատեսումների ֆինանսական տարվա վերջում ընկերությունը պատրաստվում է կորցնել մոտ 400 միլիոն եվրո եկամուտ Ռուսաստանի հետ կապված գործառնություններից:
Բողոք ընդդեմ Tesla-ի
Ընկերությանը կարող են արգելել վաճառք իրականացնել Կալիֆոռնիայում
Կալիֆոռնիայի ավտոմոբիլային տրանսպորտային միջոցների վարչությունը բողոք է ներկայացրել Վարչական լսումների գրասենյակ ընդդեմ Tesla-ի էլեկտրական մեքենաների ինքնավար վարման համակարգի սխալ գովազդի համար: Գերատեսչությունը ներկայացնող իրավաբանները կարծում են, որ գովազդային նյութերում ընկերության կողմից օգտագործվող ավտոպիլոտ եւ լիովին ինքնավար վարում բառն ու արտահայտությունը մոլորեցնում են պոտենցիալ գնորդներին եւ տալիս նրանց անվտանգության մասին կեղծ պատկերացում:Հայտարարության մեջ DMW-ն Tesla-ին խնդրում է փոխել վերը նշված հատկանիշների նկարագրությունը՝ Կալիֆոռնիայում էլեկտրական մեքենաների գովազդի եւ վաճառքի ժամանակ: Tesla-ն 15 օր ունի իր իրավունքները դատարանում պաշտպանելու համար? Ընկերությունը դեռ չի մեկնաբանել վիճակը:
Խոշոր հետկանչ
Ferrari-ին հետ է կանչում 23 555 մեքենա
Իտալական Ferrari մեքենաշինական ընկերությունը հայտարարել է, որ 23 555 մեքենաների սեփականատերերը ստիպված կլինեն ստուգման տանել իրենց փոխադրամիջոցները: Սա իտալական ընկերության պատմության մեջ ամենախոշոր հետկանչներից մեկն է: ԻսկՀետկանչման պատճառը լուրջ է, արգելակները կարող են խափանվել արգելակային հեղուկի արտահոսքի պատճառով. հատկանշական է, 2021 թվականի հոկտեմբերին նույն խնդրի պատճառով Ferrari-ն արդեն հետ էր կանչել 10000 մեքենա: Նոր հետկանչը ներառում է մոդելների լայն տեսականի, որոնք արտադրվել են 2005 թվականից:
Stars Starbucks-ի նոր սեփականատերը բացահայտել է ցանցի անվանումների տարբերակները
Starbucks-ի ռուսաստանյան սուրճի ցանցի անվանման համար քննարկվում է երկու տարբերակ ՝ Starbox-ը և Stars-ը: Նոր սեփականատեր Անտոն Պինսկինը նշել է, որ առաջին կետերի բացումը տեղի կունենա օգոստոսին: Որոշ ժամանակ անց Տիմատին ռուսներին հրավիրել է մասնակցելու նոր անվան և տարբերանշանի դիզայնի մշակմանը: Նա ընդգծել է, որ դրանցից լավագույնները մինչև սեպտեմբեր կզարդարեն սրճարանների ավելի քան երկու հարյուր հասցեներ: Նոր սեփականատերերը իրավունք են ստացել վարձակալության հանձնել ցանցի բոլոր 130 տարածքները, որտեղ աշխատում է մոտ 2000 մարդ: Գործարարներն արդեն պատկանում են Redbox ասիական ռեստորանային ցանցին, և նրանք միասին զարգացնում են Մոսկվայի նոր Loona ռեստորանը:
Bela-Cola ՌԴ-ն ծրագրում է Coca-Cola-ն փոխարինել բելառուսական գազավորված ըմպելիքով
Ռուսաստանը նախատեսվում է Coca-Cola-ի արտադրանքը փոխարինել բելառուսական Bela-Cola գազավորված ըմպելիքով: հայտարարվել է բելառուսական STV հեռուստաալիքի եթերում: Արդեն ստորագրվել է հուշագիր նորարարության ոլորտում գործարար կապերի ընդլայնման վերաբերյալ: Նշվում է, որ խմիչքի արտադրության տեխնոլոգիան պահպանվել է, ու բելառուսական տարբերակը չպետք է զիջի օրիգինալին: Հիշեցնեմ, որ Coca-Cola հունիսին հայտարարել էր Ռուսաստանում արտադրությունը դադարեցնելու իր որոշման մասին դադարեցնելով համանուն խմիչքների վաճառքը եւս:
Արտասովոր կոշիկներ
Heineken ընկերությունը թողարկել է մարզակոշիկներ, որոնց ներբանի մեջ գարեջուր կա
Heineken գարեջրագործական ընկերությունը ներկայացրել է յուրատեսակ մարզակոշիկներ Heinekicks, որոնց ներբանի մեջ գարեջուր կա: Մարզակոշիկների արտասովոր մոդելը Heineken ընկերության եւ դիզայներ Դոմինիկ Չամբրոնեի գործակցության արդյունքն է: Մարզակոշիկների ներբաններում հատուկ ներարկչի օգնությամբ գարեջուր է լցվել, որը, մարզակոշիկները ստեղծողների խոսքով, կընդգծի փափկության զգացողությունը քայլելիս, Մոդելի առանձին տարր է դարձել շշերի համար նախատեսված բացիչը, որը հարմարեցված է մարզակոշիկների լեզվակում: Արտասովոր մարզակոշիկները ներկայացված են Heineken-ի ֆիրմային գույներով կանաչ, արծաթագույն եւ կարմիր: Նորույթը, որն արտադրվել է սահմանափակ 32 զույգ քանակությամբ, վաճառքի կհանվի Սինգապուրում օգոստոսին:
Մեկնաբանություն