iPhone-ի գների աճի հավանականությունը մաքսատուրքերի պատճառով

Ամերիկայի նախագահ Դոնալդ Թրամփը վերջերս սահմանել է գլոբալ առևտրի վրա լայնածավալ մաքսատուրքեր, ինչը կարող է էական ազդեցություն ունենալ սպառողական ապրանքների, այդ թվում՝ iPhone-ի, գների վրա։

Թանկացման հիմնական պատճառները

Ըստ փորձագետների, iPhone-ի գները կարող են բարձրանալ 30-40%-ով, եթե Apple-ը որոշի մաքսատուրքերի ծախսերը փոխանցել սպառողներին։ iPhone-ները հիմնականում արտադրվում են Չինաստանում, որը ներառվել է 54%-ոց մաքսատուրքերի ցանկում։ Այս պայմաններում Apple-ը կանգնած է բարդ ընտրության առջև՝ ծախսերը վերցնել սեփական հաշվին կամ փոխանցել գնորդներին։

Գների փոփոխության հնարավոր սցենարներ

Եթե Apple-ը որոշի գները բարձրացնել, ապա ամենաէժան iPhone 16 մոդելի գինը ԱՄՆ-ում կարող է հասնել 1142 դոլարի՝ ներկայիս 799 դոլարի փոխարեն։ Նույնն է վերաբերում iPhone 16 Pro Max-ին, որը ներկայումս արժե 1599 դոլար, իսկ թանկացման դեպքում կարող է արժենալ 2300 դոլար։

Տնտեսական ազդեցություն

Apple-ը տարեկան վաճառում է ավելի քան 220 միլիոն iPhone, իսկ հիմնական շուկաները ներառում են ԱՄՆ-ն, Չինաստանը և Եվրոպան։ Թանկացումը կարող է զգալիորեն նվազեցնել պահանջարկը՝ հաշվի առնելով, որ օգտատերերը կարող են նախընտրել այլ ապրանքանիշեր։

Բաժնետոմսերի անկում

Հունվարի 4-ին Apple-ի բաժնետոմսերը նվազել են 9.3%-ով, ինչը եղել է ընկերության վատագույն օրը 2020 թվականի օգոստոսից ի վեր։ Սա մատնանշում է ներդրողների մտահոգությունը՝ կապված ընկերության ապագա եկամուտների և պահանջարկի անկման հետ։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Ինչ է կատարվել այսօր Հայաստանում և արտերկրում՝ դիտեք բոլոր կարեւոր, օգտակար եւ հետաքրքիր լուրերը` նոր մանրամասներով Armenian Business News-ի եթերում, տեսանյութերում եւ www.abnews.am կայքում

Աշխարհի խոշորագույն թվային արժույթների (կրիպտոարժույթ) փոխարժեքները ապրիլի 4-ի ժամը 10:30-ի դրությամբ.

Bitcoin-ի (BTC) փոխարժեքը դրամի նկատմամբ աճել է 0.01%-ով և կազմել 32,567,106.11 դրամ, ԱՄՆ դոլարի նկատմամբ Bitcoin-ի փոխարժեքը նվազել է 0.03%-ով և կազմել 83,223.72 դոլար:

Ethereum-ի (ETH) փոխարժեքը նվազել է 1.07%-ով և կազմել 1,806.12 դոլար, ETH/BTC փոխարժեքը՝ 0.021701935 (-0.99%):

Bitcoin Cash-ի (BCH) փոխարժեքն աճել է 1.67%-ով և կազմել 308.58 դոլար, BCH/BTC փոխարժեքը՝ 0.003707863 (+1.76%):

Fasttoken-ի (FTN) փոխարժեքն աճել է 0.05%-ով և կազմել 4.041761 դոլար, FTN/BTC փոխարժեքը՝ 0.000048565 (+0.14%):

Ripple-ի (XRP) փոխարժեքն աճել է 0.53%-ով և կազմել 2.068718 դոլար, XRP/BTC փոխարժեքը՝ 0.000024857 (+0.62%):

Litecoin-ի (LTC) փոխարժեքն աճել է 0.32%-ով և կազմել 83.82 դոլար, LTC/BTC փոխարժեքը՝ 0.001007222 (+0.41%):

Binance Coin-ի (BNB) փոխարժեքը նվազել է 1.92%-ով և կազմել 596.04 դոլար, BNB/BTC փոխարժեքը՝ 0.007161908 (-1.83%):

Dogecoin-ի (DOGE) փոխարժեքը նվազել է 0.62%-ով և կազմել 0.164875 դոլար, DOGE/BTC փոխարժեքը՝ 0.000001981 (-0.55%):

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

2025 թվականի ապրիլի 6-ին Հայաստանն ու Չինաստանը նշում են դիվանագիտական հարաբերությունների հաստատման 33-րդ տարեդարձը։ Այս տասնամյակների ընթացքում երկու երկրները զարգացրել են բազմաբնույթ համագործակցություն՝ ընդգրկելով տնտեսություն, մշակույթ, գիտություն և կրթություն։ Հայ-չինական կապերը հիմնված են փոխադարձ հարգանքի և շահերի համընկնման վրա, ինչը դարձրել է դրանք կայուն և հեռանկարային։

Գիտակրթական համագործակցության նոր հնարավորություններ

Հայաստանի և Չինաստանի հարաբերություններում կարևոր տեղ են զբաղեցնում գիտակրթական կապերը։ Չինարեն լեզվի նկատմամբ հետաքրքրությունը Հայաստանում շարունակաբար աճում է։ Այսօր չինարենը որպես երրորդ օտար լեզու դասավանդվում է Հայաստանի մի քանի դպրոցներում, իսկ համալսարաններում գործում են թարգմանչական մասնագիտություններ։

Կոնֆուցիուսի ինստիտուտի ուսանողների թիվն ավելացել է, իսկ HSK/HSKK քննությունների մասնակիցների թիվը կտրուկ աճել է՝ հասնելով 230-ի։ Միաժամանակ Չինաստանում ևս ուսանողներ են սովորում հայերեն, ինչը նպաստում է մշակութային փոխանակմանը։
Կրթական կապերը խթանելու նպատակով ՀՀ-ում Չինաստանի դեսպանությունը կազմակերպում է չինական համալսարանների ցուցահանդեսներ։ Հիմնական գործընկերներ են Երևանի պետական համալսարանը, Հայ-Ռուսական համալսարանը և Բրյուսովի պետական համալսարանը։

Առևտրատնտեսական կապերի ընդլայնում

Հայաստանի և Չինաստանի առևտրատնտեսական հարաբերությունները վերջին տարիներին զարգանում են աճող տեմպերով։ 2023 թվականին երկու երկրների ապրանքաշրջանառությունը գերազանցել է 2,1 մլրդ դոլարը՝ 21%-ով աճելով, իսկ 2024 թվականին ցուցանիշը հասել է 2,8 մլրդ դոլարի՝ 34% աճով։

Չինաստանը Հայաստանի խոշորագույն առևտրային գործընկերներից է, ներգրավված լինելով Հայաստանի ենթակառուցվածքային խոշոր նախագծերում, ինչպես օրինակ՝ Հյուսիս-Հարավ մայրուղին, Կապսի ջրամբարը և արևային էներգիայի ենթակայանը։
Ավիացիոն կապերի ամրապնդման նպատակով «China Southern Airlines» ավիաընկերությունը գործարկել է Ուրումչի-Երևան-Ուրումչի չվերթը՝ խթանելով տնտեսական և մշակութային փոխանակումները։

Մշակութային կապերի խթանում

Հայ-չինական համագործակցության շրջանակներում կարևոր տեղ է զբաղեցնում մշակութային փոխանակումը։ Կոնֆուցիուսի ինստիտուտը պարբերաբար կազմակերպում է մշակութային միջոցառումներ, իսկ Հայաստանի կրթական հաստատություններում չինարեն լեզվի ուսուցումը ակտիվանում է։

Չինաստանում կազմակերպվող սեմինարներն ու վերապատրաստման ծրագրերը խթանում են մասնագիտական կապերի ամրապնդմանը, ինչը կարևոր է երկկողմ հարաբերությունների համար։

Եվրասիական համագործակցության հարթակները

Հայաստանը կարևորում է իր մասնակցությունը Շանհայի համագործակցության կազմակերպության (ՇՀԿ) շրջանակում, ինչը տնտեսական և անվտանգության համագործակցության նոր հնարավորություններ է բացում։ ՇՀԿ գագաթնաժողովները կարևոր հարթակ են Եվրասիական անվտանգության, էներգետիկ համագործակցության և տրանսպորտային ծրագրերի քննարկման համար։

Հայաստանը ներկայացնում է իր նախագծերը, ներառյալ «Հարավ-Կովկասյան երկաթուղի» և արևային էներգիայի ծրագրերը, շեշտելով ներդրումային հնարավորությունները։

***

Հայ-չինական դիվանագիտական հարաբերությունների 33-ամյակը նշանավորում է երկու երկրների համագործակցության ամրապնդման նոր փուլը։ Գիտակրթական, առևտրատնտեսական և մշակութային կապերի խորացումը վկայում է երկարատև գործընկերության ամրապնդման մասին։ Այս ուղղությամբ իրականացվող ծրագրերը նպաստում են երկկողմ հարաբերությունների դինամիկ զարգացմանը և տարածաշրջանային համագործակցության ամրապնդմանը։

Հոդվածի հեղինակ՝ Գոռ Սարգսյան

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Նավթի գները նվազել են

Աշխարհի խոշորագույն հումքային բորսաներում ապրիլի 4-ին կայացած առևտրային շրջանների արդյունքում սահմանվել են նավթի հետևյալ գները.

Նյու-Յորքի NYMEХ (New York Merchantile Exchange) բորսայում նավթի WTI (Light Sweet) տեսակի գինը նվազել է 5.21%-ով և կազմել 66.40 դոլար, իսկ Լոնդոնի IСE (InterContinental Exchange Futures) բորսայում նավթի Brent տեսակի գինը նվազել է 4.99%-ով և կազմել 69.62 դոլար:

Չափման միավորը` 1 բարել (158.98 լիտր):

NYMEX. Թանկարժեք մետաղների գները նվազել են

Նյու-Յորքի NYMEX բորսայում ապրիլի 4-ին կայացած առևտրային շրջանի արդյունքում սահմանվել են թանկարժեք մետաղների հետևյալ գները.

Ոսկու ֆյուչերսների գինը նվազել է 1.64%-ով և կազմել 3118.60 դոլար, արծաթի ֆյուչերսների գինը նվազել է 6.56%-ով և կազմել 31.60 դոլար, իսկ պլատինի ֆյուչերսների գինը նվազել է 4.16%-ով և կազմել 950.90 դոլար:

Չափման միավորը` 1 տրոյական ունցիա (31.1 գրամ):

LME. Գունավոր մետաղների գներ

Լոնդոնի մետաղների բորսայում (LME) ապրիլի 4-ին կայացած առևտրային շրջանի արդյունքում գունավոր մետաղների առաջիկա երեք ամիսների ֆյուչերսների համար սահմանվել են հետևյալ գները.

Ալյումինի գինը նվազել է 1.71%-ով և կազմել 2448.00 դոլար, պղնձի գինը նվազել է 3.44%-ով և կազմել 9366.50 դոլար, կապարի գինը նվազել է 0.71%-ով և կազմել 1955.50 դոլար, նիկելի գինը նվազել է 1.45%-ով և կազմել 15732.00 դոլար, անագի գինը նվազել է 1.55%-ով և կազմել 37334.00 դոլար, ցինկի գինը նվազել է 2.41%-ով և կազմել 2713.50 դոլար, մոլիբդենի գինն աճել է 0.05%-ով և կազմել 44070.35 դոլար, կոբալտի գինը չի փոխվել և կրկին կազմել է 33925.00 դոլար:

Չափման միավորը` 1 տոննա:

Ամերիկյան ինդեքսները նվազել են

ԱՄՆ ֆոնդային բորսաներում ապրիլի 4-ին կայացած առևտրային շրջանների արդյունքները հետևյալն են.

Արդյունաբերական Dow Jones ինդեքսը նվազել է 3.98%-ով և կազմել 40545.93 կետ, լայն սպառման շուկաների S&P 500 ինդեքսը նվազել է 4.84%-ով և կազմել 5396.52 կետ, իսկ բարձր տեխնոլոգիաների Nasdaq ինդեքսը նվազել է 5.97%-ով և կազմել 16550.61 կետ:

Եվրոպական ինդեքսներ

Եվրոպական ֆոնդային բորսաներում ապրիլի 4-ին կայացած առևտրային շրջանների արդյունքները հետևյալն են.

Գերմանական DAX ինդեքսը նվազել է 3.01%-ով և կազմել 21717.39 կետ, ֆրանսիական CAC 40 ինդեքսը նվազել է 3.31%-ով և կազմել 7598.98 կետ, բրիտանական FTSE ինդեքսը նվազել է 1.55%-ով և կազմել 8474.74 կետ:

Աղբյուր՝ B24

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

IDBank-ի ներկայացուցիչները ապրիլի 2-ին Voskevaz Winery-ում մասնակցում էին «ՓՄՁ ոլորտի ֆինանսավորման հնարավորություններն ու հեռանկարները» խորագրով համաժողով-միջոցառմանը։

Հայաստանի բանկերի միության նախագահ Դանիել Ազատյանն ամփոփեց 2024թ․ տվյալները․ «Բանկերի կողմից տրված վարկերի ընդհանուր գումարը 6,4 տրիլիոն է, որից 3,1 տրիլիոնը բիզնեսին տրված վարկերն են, իսկ դրա հենց ուղիղ կեսը՝ ՓՄՁ-ներին տրվածներն են։ Այս ցուցանիշը վատ չէ, սակայն որքան շատ լինի, այդքան ավելի ձեռնտու երկու կողմին»։

Հայաստանում տարեցտարի էլ ավելի վստահելի և ամուր են դառնում  ՓՄՁ-բանկեր  փոխհարաբերությունները, առանց որոնց անհնար է պատկերացնել նոր բիզնեսի ծնունդը:

ՀՀ Կենտրոնական բանկի նախագահ Մարտին Գալստյանի խոսքով էլ՝ բանկերի առաքելությունը ոչ միայն ֆինանսական միջոցներ տալու մեջ է, այլև բիզնեսների հետ համագործակցության ու նրանց առավել մրցակցային մակարդակի բերելու․ «Միմյանց հետ համագործակցելով հարստանում են և՛ բանկերը՝ հասկանալով բիզնեսի էությունը, և՛ բիզնեսները, որովհետև բանկերի կարողություններն անհամեմատ մեծ են», — ասաց Մարտին Գալստյանը։

Արագ, ճկուն, հուսալի․ փոքր և միջին բիզնեսի աջակցությունը IDBank-ի ֆինանսական քաղաքականության առանցքային կետերից է, բանկն ամեն անգամ նորարարություններով է հանդես գալիս, որպեսզի գաղափարը բիզնեսի վերածելը էլ ավելի հնարավոր դառնա:

IDBank-ի ՓՄՁ մանրածախ ցանցի զարգացման բաժնի ղեկավար Աղվան Աբրահամյանը նշեց, որ IDBank-ում փոքր և միջին ձեռնարկատիրությունների համար նախատեսված մի շարք ֆինանսական լուծումներ ունեն, որոնք հնարավորություն են տալիս ապահովել բիզնեսի զարգացումն ու հաճախորդների ավելացումը՝ միաժամանակ պարզեցնելով բիզնեսի կյանքն ու նվազագույնի հասցնելով թղթաբանությունն ու սպասման ժամկետները։

«Մասնավորապես՝ փոքր ու միջին բիզնեսների համար լավագույն գործիքներ են QR-վճարումների ապահովումը, Rocket Line թվային ապառիկը՝ Rocket Line 0%-ի հնարավորությամբ, IDBank-ի բիզնես քարտերն ու աշխատավարձային նախագծերը՝ ընկերությունների համար ընդլայնված արտոնություններով, հաստատման ու տրամադրման պարզեցված գործընթացով բիզնես-վարկեր», — ասաց Աղվան Աբրահամյանը։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Հայաստանի բանկերի միությունը Գերմանահայկական հիմնադրամի հետ համատեղ մեկ հարկի տակ էր համախմբել ֆինանսական ոլորտի ներկայացուցիչներին՝ բանկեր-ՓՄՁ կարևոր երկխոսությունն իրականացնելու, նախորդ տարվա արդյունքներն ամփոփելու և առաջիկա անելիքները մատնանշելու համար։   

Մշտապես իր գործունեության առանցքում պահելով ՓՄՁ-ներին՝ Ակբա բանկը դրանք ֆինանսավորելուց բացի, առաջարկում է բիզնես ուսուցման և գիտելիքի փոխանակման հատուկ ծրագրեր։ Ծրագրերը օգնում են ձեռներեցներին ավելի ճիշտ ֆինանսական հաշվարկներ անելու, իրենց բիզնեսի համար հատուկ ռազմավարություն մշակելու և բիզնեսների համար հաջողության պատմություններ ստեղծելու հարցում:

«Մշտապես տարբեր հարթակներով կապի մեջ ենք ՓՄՁ-ների հետ և փոխանակում ենք կարծիքներ կատարված աշխատանքի և առկա կարիքների վերաբերյալ։ Մենք անընդհատ թարմացնում, փոփոխում ու նոր առաջարկներով ենք ներկայանում շուկայում, որը նպաստում է ՓՄՁ-ների, ինչպես նաև  մարզերի զարգացմանը։ ՓՄՁ-ների զարգացումը Ակբա բանկի համար կարևոր է, քանի որ դրանք համարվում են տնտեսության ողնաշարը և նպաստում մեր երկրի զարգացվածության ընդհանուր բարձրացմանը», — նշել է Ակբա բանկի մասնաճյուղերի կառավարման վարչության ղեկավար Սուրեն Հովհաննիսյանը։

«Բանկերի կողմից տրված վարկերի ընդհանուր գումարը 6,4 տրիլիոն է, որից 3,1 տրիլիոնը բիզնեսին տրված վարկերն են, իսկ դրա կեսը՝ փոքր և միջին ձեռնարկություններին հատկացված վարկերը։ Այդ ցուցանիշը վատը չէ, սակայն որքան այն բարձրանա և աճի փոքր ու միջին ձեռնարկությունների քանակը,  կշահեն բոլոր կողմերը», — նշել է Հայաստանի բանկերի միության նախագահ Դանիել Ազատյանը։

«Կարծում եմ, որ բանկերի առաքելությունը միայն նրա մեջ չէ, որ ֆինանսական միջոցներ տրամադրեն։ Անհրաժեշտ է, որ բանկերը, համագործակցելով բիզնեսի հետ, դրանք նոր մակարդակի բարձրացնեն՝ դարձնելով ավելի մրցունակ», — նշել է  ՀՀ կենտրոնական բանկի նախագահ Մարտին Գալստյանը։

Բանկային համակարգում Ակբան առաջինն էր, որը 2023թ.-ին մեկնարկեց Ակբա Բիզնես ակումբի գործունեությունը՝ մեկ հարթակի ներքո համախմբելով գործարար համայնքի ներկայացուցիչներին։ Գործարարները Ակբա Բիզնես ակումբին կարող են միանալ  sme.acba.am  կայքի միջոցով, որտեղ կծանոթանան նաև առաջիկա միջոցառումներին և գործընկերների համար հատուկ առաջարկներին։

Ակբա Բանկը վերահսկվում է ՀՀ ԿԲ կողմից։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: 

Ինչ է տեղի ունեցել այսօր բիզնես աշխարհում՝ դիտեք բոլոր կարևոր, օգտակար և հետաքրքիր նորությունները՝ թարմ մանրամասներով Armenian Business News-ի եթերում, տեսանյութերում և www.abnews.am կայքում

Ինչ է կատարվել այսօր Հայաստանում և արտերկրում՝ դիտեք բոլոր կարեւոր, օգտակար եւ հետաքրքիր լուրերը` նոր մանրամասներով Armenian Business News-ի եթերում, տեսանյութերում եւ www.abnews.am կայքում