Վենեսուելան շուտով Եվրոպա կուղարկի 650 հազար բարելի ծավալով ծանր նավթի բեռ։ Այս մասին հայտնում է Reuters-ը ՝ հղում անելով Refinitiv Eikon տվյալների վերլուծության և ֆինանսական շուկայի ենթակառուցվածքի կենտրոնին։ Նշվում է, որ վենեսուելական նավթը կստանա իտալական Eni ընկերությունը։ Սա կլինի Եվրոպա հում նավթի առաջին մատակարարումը Վենեսուելայից, որը գտնվում է ԱՄՆ պատժամիջոցների տակ, երկու տարվա ընթացքում։ Ավելի ուշ լատինամերիկյան երկիրն իր նավթը կուղարկի իսպանական Repsol ընկերությանը։Միացյալ Նահանգները Վենեսուելային թույլատրել է 2022 թվականի հուլիսին իտալական Eni SpA-ին և իսպանական Repsol SA-ին նավթ մատակարարել Եվրոպա։ Բացի այդ, Վաշինգտոնը չեղարկել է պատժամիջոցները, որոնք խոչընդոտում էին ամերիկյան և եվրոպական նավթային ընկերությունների աշխատանքը Վենեսուելայում։
Ավելի վաղ գերմանական Handelsblatt թերթը հայտնել էր, որ Վենեսուելան 3,8 մլն բարել նավթ է մատակարարելու իտալական Eni և իսպանական Repsol ընկերություններին։
