Հեռահաղորդակցության ոլորտում գրանցվել է աճ, հեռուստատեսության և ռադիոյի ոլորտներում՝ անկում

2025 թվականի հունվար-մայիսին հեռուստառադիոհաղորդումների և հեռահաղորդակցության ոլորտում ստացված հասույթը կազմել է 68.5 մլրդ դրամ՝ 1.1%-ով ավել նախորդ տարվա նույն ժամանակահատվածի համեմատ։ Այս մասին հայտնում է Վիճակագրական կոմիտեն։

Ընդհանուր հասույթի գերակշիռ մասը՝ 63.8 մլրդ դրամ, բաժին է ընկնում հեռահաղորդակցությանը, որն աճել է 1.7%-ով։ Միևնույն ժամանակ, հեռուստածրագրերի արտադրության և հեռարձակման ոլորտում գրանցվել է 4.9%-ի անկում (4 մլրդ դրամ), իսկ ռադիոհաղորդումների գծով՝ 11%-ի անկում (698 մլն դրամ)։

Միայն մայիս ամսին ոլորտի հասույթը կազմել է 14 մլրդ դրամ՝ նախորդ տարվա մայիսի համեմատ աճելով 1.4%-ով։