Եկեղեցիների համաշխարհային խորհուրդը (ԵՀԽ) մտահոգություն է հայտնել Հայաստանում Հայ Առաքելական Եկեղեցու շուրջ վերջին զարգացումների կապակցությամբ՝ անդրադառնալով Մայր Աթոռ Սուրբ Էջմիածնում իրականացված իրավապահ գործողություններին և հոգևորականների կալանավորումներին։
Հայտարարությունում ԵՀԽ-ն շեշտում է, որ Եկեղեցին ունի կարևոր դեր հայ ժողովրդի կյանքում և քրիստոնեական համաշխարհային համայնքում։ Խորհուրդը նշում է, որ սրբավայրերում ուժի կիրառումներն ու կալանավորումները հարցեր են առաջացնում կրոնական ազատության ու ինստիտուցիոնալ անկախության առումով։
ԵՀԽ-ն Հայաստանի կառավարությանը կոչ է անում.
- Հարգել հոգևորականների իրավունքներն ու ազատությունները,
- Զերծ մնալ կրոնական կառույցների թիրախավորումից,
- Խրախուսել երկխոսություն պետության ու եկեղեցու միջև։
Խորհուրդը վերահաստատել է իր աջակցությունը Հայաստանյայց Առաքելական Եկեղեցուն և կոչ արել բոլոր կողմերին գործել պատասխանատվությամբ ու հանդուրժողականությամբ։
