ԱՄՆ-ում հունվարին սպառողական ծախսերը վերջին երկու տարիների ընթացքում առաջին անգամ նվազել են 0.2%-ով, իսկ առևտրային հաշվեկշռի պակասուրդը հասել է ռեկորդային բարձր մակարդակի՝ 153.3 միլիարդ դոլար, քանի որ ձեռնարկությունները նախապես մեծածավալ ներմուծումներ են իրականացրել՝ մաքսատուրքերից խուսափելու համար:
ԱՄՆ-ում շուկայի մասնակիցների կանխատեսմամբ Դաշնային պահուստային համակարգը հունիսին և սեպտեմբերին կայանալիք նիստերին տոկոսադրույքները կնվազեցնի 0.25 տոկոսային կետով։
Reuters-ի կողմից կատարված հարցումների արդյունքում կանխատեսվում է, որ ՌԴ կենտրոնական բանկը մարտին կայանալիք նիստին անփոփոխ կթողնի վերաֆինանսավորման տոկոսադրույքը՝ սահմանելով 21%։ Տարեվերջին կանխատեսվում է 7% գնաճ ներկայիս 10%-ի փոխարեն, և 1.7% տնտեսական աճ։
ԱՄՆ-ում գործազրկության նպաստի առաջնային դիմումների թիվը փետրվարի 22-ին ավարտվող շաբաթվա ընթացքում աճել է 22,000-ով և կազմել 242,000՝ գրանցելով վերջին 5 ամիսների առավելագույն աճը։
Համաշխարհային բաժնետոմսերի շուկայի ֆոնդերը փետրվարի 26-ին նախորդող շաբաթվա ընթացքում գրանցել են դեկտեմբերի վերջից ի վեր ամենամեծ ներհոսքը՝ 28.3 միլիարդ դոլար, ինչը պայմանավորված է ԱՄՆ գնաճի կայունացմամբ և տոկոսադրույքների կրճատման սպասումներով։
