Եվրագոտու երկներում 2024թ.-ի 4-րդ եռամսյակում տնտեսական աճը կազմել է 0.1%, ինչը թեև կանխատեսվածից բարձր էր, սակայն այն աշխատաշուկայի թույլ ցուցանիշների հետ միասին ևս մեկ անգամ ահազանգում է տնտեսական լճացման մասին։
ԱՄՆ սպառողական գների ինդեքսը հունվարին նախորդ ամսվա համեմատ աճել է 0.5%-ով, տարեկան կտրվածքով՝ 3%-ով՝ գրանցելով վերջին 1.5 տարվա ամենաբարձր ցուցանիշը, ինչը ենթադրում է, որ Դաշնային պահուստային համակարգը չի շտապի նվազեցնել վերաֆինանսավորման տոկոսադրույքը։
Շուկայի մասնակիցներն ակնկալում են, որ ԱՄՆ Դաշնային պահուստային համակարգը բարձր գնաճի և գործազրկության նպաստի դիմումների թվի կրճատման պայմաններում մինչև սեպտեմբեր ամիսը չի նվազեցնի տոկոսադրույքները։
Չինաստանի սպառողական գների ինդեքսը հունվարին տարեկան կտրվածքով աճել է 0.5%-ով՝ գրանցելով նախորդ 5 ամիսների առավելագույն ցուցանիշը։ Արտադրական գների ինդեքսը տարեկան կտրվածքով նվազել է 2.3%-ով, ինչը պայմանավորված է ցածր արտադրական պահանջարկով։
ՌԴ կենտրոնական բանկը 1.5 անգամ բարձրացրել է 2025թ.-ի համար ՌԴ գնաճի իր կանխատեսվող ցուցանիշը։ Եթե 2024թ.-ի հոկտեմբերին ԿԲ-ն 2025թ.-ի համար կանխատեսում էր 4.5-5% գնաճ, ապա այժմ այդ ցուցանիշը հասել է 7-8%-ի։
