Նոր կյանք պատմական վայրում․ Firdus Prime Residence-ը հավակնում է դառնալ մայրաքաղաքի նոր կենտրոնը։
Երևանի փոքր կենտրոնում՝ տեղի ունեցավ Firdus Prime Residence բնակելի համալիրի Լոտ 14 շենքի կառուցման կարևորագույն փուլերից մեկի ավարտը խորհրդանշող «Տանիքի տոն» միջոցառումը՝ ներմուծելով նոր մշակույթ հայրենական քաղաքաշինական միջավայր: Այն ազդարարում է պրեմիում դասի այս համալիրի շենքերից մեկի հիմնակմախքի երկաթբետոնե աշխատանքների և տանիքի ավարտը ու հին Երևանի 33-րդ թաղամասի՝ Ֆիրդուսի վերածնունդը։
Ռեկորդային կարճ ժամանակհատվածում՝ ընդամենը 5 ամսում՝ 17 վերգետնյա հարկ եւ 3 ստորգետնյա հարկի կառուցում․սա ոչ միայն ուրախության եւ հպարտության առիթ է, այլ ևս մեկ հաստատուն քայլ՝ ուղղված Երևանի կենտրոնում նոր, բարձրակարգ բնակելի միջավայրի ձևավորմանը, որի հինքում դրված է բարձր կուլտուրան, այն է՝ վաճառել ոչ թե բնակարան, այլ կյանքի որակ։
Համալիրը գտնվում է Հանրապետության հրապարակից մի քանի րոպե հեռավորությամբ՝ Տիգրան Մեծ պողոտայի և Խանջյան փողոցի միջնամասում:
Firdus Prime Residence-ում լինելու են 12-17 հարկանի շենքեր։ Հարմարավետ բնակարաններն այստեղ համադրվելու են գործնական միջավայրի, իսկ հանգստի գոտիները՝ քաղաքային աշխուժության հետ։
Firdus Prime Residence համալիրը կառուցելիս՝ <<Արտքոմփանին>>, որպես հուսալի կառուցապատող, ներգրավել է մեծ փորձառություն ունեցող կազմակերպությունների ու թիմերի, ինչի արդյունքում համատեղվել են աշխատանքի բարձր որակը, արագությունն ու անվտանգությունը։
Շենքի շինարարության մնացած աշխատանքները կավարտվեն 2027 թ. սկզբին:
