Սեպտեմբերի 1-ից կենսաթոշակի և նպաստի հետվճարի ծրագրից օգտվող քաղաքացիները հնարավորություն կստանան ավելի մեծ չափով հետվճար ստանալու՝ ապրանքների և (կամ) ծառայությունների ձեռքբերման դիմաց անկանխիկ վճարումներից։
Նոր փոփոխությունների համաձայն՝ անկանխիկ վճարումների դեպքում հետվճարի չափը կկազմի 12%՝ նախկին 10%-ի փոխարեն, իսկ հետվճարի առավելագույն չափը կդառնա 6000 դրամ՝ նախկին 5000 դրամի փոխարեն։
Միաժամանակ, կոմունալ ծառայությունների (գազ, էլեկտրաէներգիա, խմելու ջուր, ֆիքսված և բջջային հեռախոս) դիմաց վճարումներից հետվճար չի հաշվարկվի։ Այսինքն, սեպտեմբերին կատարված անկանխիկ գնումների համար հետվճարի 12%-ը կկիրառվի, բայց ոչ ավելի 6000 դրամը, որը կվճարվի հոկտեմբերին։ Կոմունալ ծախսերից հետվճար չի հաշվարկվի։
Հիշեցում
Կենսաթոշակի և նպաստի 12% հետվճարի ծրագրից կարող են օգտվել բոլոր կենսաթոշակառուներն ու նպաստառուները՝ անկախ նրանից, թե որ բանկերից են ստանում իրենց գումարը։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն