Անշարժ գույքի վարձակալության գործարքների թիվը փոփոխվել է և’ մայրաքաղաքում, և’ մարզերում

Ըստ banksnews.am կայքի Վիճակագրական Կոմիտեի վիճակագրական տվյալները փաստում են, որ 2023թ-ին 2022թ-ի համեմատ վարձակալության գործարքների թիվն աճել է 12%-ով՝ կազմելով 11,935 միավոր։

Նկատենք, որ անշարժ գույքի վարձակալության գործարքների թվաքանակը Երևանի և ՀՀ մարզերի միջև բաշխված է համապատասախանաբար 58% և 42% համամասնությամբ։

Երևանում 2023թ-ին 2022թ-ի համեմատ վարձակալության գործարքների թվաքանակն աճել է 16%-ով՝ կազմելով 6,893 միավոր։ Մարզերում 2023թ-ին 2022թ-ի համեմատ վարձակալության գործարքների թվաքանակի անկում նկատվել է Լոռիում և Սյունիքում՝ համապատասխանաբար 37%-ով և 25%-ով։

Մյուս կողմից, վարձակալության գործարքների զգալի աճ նկատվել է Գեղարքունիքում և Վայոց Ձորում՝ համապատասխանաբար 73%-ով և 67%-ով։

Հետաքրքիր է, որ, ըստ անշարժ գույքի տեսակների, վարձակալության գործարքների թվաքանակում 53,5% և 25,2% մասնաբաժին ունեն համապատասխանաբար հասարակական նշանակության շինությունները և հողը։