Եթե ջուրը սահմանված ժամանակից ուշ է վերականգնվում, բնակիչները պետք է վնասի փոխհատուցում ստանան. ՀԾԿՀ

Ցանկացած վթարի համար սահմանված է վերացման ժամկետ, վթարի դեպքում «Վեոլիա ջուրը» պարտավոր է դրա մասին հայտարարել: Այս մասին լրագրողների հետ զրույցում ասաց  ՀԾԿՀ նախագահ Գարեգին Բաղրամյանը։

«Կան վթարի վերացման նվազագույն ժամկետներ, եթե այդ ժամկետը խախտվում է, ավտոմատ կերպով, այն բնակիչները, որոնց ջուրը չի վերականգնվել, հաջորդ ամիս իրենց հաշիվներին ստանում են տուգանքներ՝ իրենց օգտին:

Եթե հայտնաբերեցինք, որ ընկերությունը սահմանված ժամկետից ուշ է միացրել ծառայությունը, և տուգանքները չի վճարել բաժանորդներին, ապա ընկերությունը տուգանքի է ենթարկվում և պարտավորվում է վերացնել խախտումը»,- ասաց ՀԾԿՀ նախագահը: