ՄՊՀ-ն ուսումնասիրում է բենզինի շուկան. գնի չհիմնավորման բարձրացումներ հայտնաբերելիս կհարուցվի վարույթ: Այս մասին ասել է Մրցակցության պաշտպանության հանձնաժողովի մամուլի քարտուղար Անի Սմբատյանը՝ անդրադառնալով բենզինի շուկայում գների բարձրացման վերաբերյալ հրապարակումներին:
Նա տեղեկացրել է, որ ներկայումս ՄՊՀ-ն ուսումնասիրություն է իրականացնում բենզինի շուկայում գների բարձրացման հիմնավորվածությունը պարզելու նպատակով։
Նախնական ուսումնասիրությունները ցույց են տվել, որ միջազգային շուկաներում եւս տեղի են ունեցել գների բարձրացումներ։ Եթե ուսումնասիրության ընթացքում բացահայտվեն գնի չհիմնավորված բարձրացման երեւույթներ, ապա Հանձնաժողովի կողմից կհարուցվեն համապատասխան վարչական վարույթներ։
Անի Սմբատյանը հավելել է, որ Հանձնաժողովն ամենօրյա մոնիտորինգ է իրականացնում մի շարք սոցիալական նշանակություն ունեցող ապրանքների շուկաներում: Ապրանքների գների 5 տոկոսից ավել փոփոխության դեպքում, եթե դրանք համահունչ չեն արտաքին գործոնների փոփոխություններին, նախնական ուսումնասիրություն է սկսվում:
Աղբյուրը՝ news.am
