OpenAI ընկերության ղեկավար Սեմ Ալթմանը բանակցություններ է վարում սեփական Worldcoin կրիպտոարժույթում $100 մլն ներդնելու համար: Financial Time-ը գրում է, որ ներդրողներ կդառնան վենչուրային Khosla Ventures վենչուրային հիմնադրամները, Անդրեսեն Հորովիցը, LinkedIn-ի հիմնադիրներից Ռիդ Հոֆմանը և սնանկացած կրիպտո փոխանակման բորսա FTX-ի հիմնադիր Սեմ Բենքմեն Ֆրիդը,- գրում է fintech.am-ը։
Հրապարակման աղբյուրներից մեկի համաձայն՝ նախագծում ներդրումներ կանեն ոչ միայն գործող անձիք, այլև՝ նորերը։ Worldcoin-ն օգտագործում է աչքի ցանցաթաղանթի ճանաչման տեխնոլոգիա՝ ակտիվի սեփականատիրոջը ճանաչելու համար:
Նախկինում ընկերությունը վաճառել էր $100 մլն թոքեն: Ըստ FT-ի զրուցակցի, կրիպտոյի այս պայմաններում նման ներդրումների ներգրավումը կարելի է հաջողություն համարել:
Worldcoin-ի ղեկավարները պնդում են, որ նախագիծը կօգնի այն մասնագետներին, ովքեր կորցրել են իրենց աշխատանքը AI-տեխնոլոգիաների զարգացման պատճառով:
Ընկերությունը նախատեսում է ներդնել սեփական բլոկչեյնը և սկսել գործարքների գրանցումը առաջիկա մեկուկես ամսվա ընթացքում։
Հիշեցնենք, որ անցյալ տարեվերջին FTX կրիպտո փոխանակման խոշորագույն բորսան սնանկության հայտ է ներկայացրել: Դրան նախորդել էր ընկերության իրացվելիության ճգնաժամը։ Binance բորսան ցանկանում էր օգնել մրցակցին՝ գնելով որոշ ակտիվներ, սակայն, ի վերջո, հրաժարվեց գործարքից: Կրիպտո-շուկայում նման լայնածավալ խաղացողի փլուզումը ազդեց ամբողջ արդյունաբերության վրա:
Ճգնաժամի արդյունքում խնդիրների է բախվել Genesis բորսան, որը նույնպես սնանկության դիմում է ներկայացրել ։
