First Citizens Bank & Trust Company բանկային հոլդինգը կգնի սնանկացած Silicon Valley Bank-ի (SVB) բոլոր ակտիվները։ Հայտնում է Finance.ramler.ru-ն՝ հղում անելով ԱՄՆ Ավանդների ապահովագրման դաշնային կորպորացիայի (FDIC) կայքին։
Կարգավորիչը հիշեցրել է SVB-ի սնանկացումից հետո «միջանկյալ» բանկի Silicon Valley Bridge Bank-ի ստեղծման մասին: Ինչպես հաղորդվում է, մարտի 27-ին կբացվեն այս բանկի 17 նախկին մասնաճյուղերը՝ որպես First Citizens Bank & Trust Company-ի մասնաճյուղեր։
SVB հաճախորդները ավտոմատ կերպով կդառնան այն բանկի ավանդատուները, ովքեր որ գնել են ակտիվները: First Citizens Bank & Trust Company-ի ընդունած բոլոր ավանդները կապահովագրի FDIC-ը:
Գործարքը գնահատվում է $72 միլիարդ՝ $16,5 միլիարդ զեղչով: Մոտ $90 միլիարդ արժեթղթեր և այլ ակտիվներ կպահի FDIC-ն:
Գերատեսչությունում պարզաբանել են, որ մարտի 10-ի դրությամբ Silicon Valley Bridge Bank-ի ակտիվների ընդհանուր գումարը կազմել է մոտ $167 մլրդ դոլար, իսկ ավանդները՝ $119 մլրդ դոլար։
Ամերիկյան Silicon Valley Bank բանկի սնանկացումը տեղի է ունեցել մարտի 10-ին: Այն զբաղեցնում էր 16-րդ տեղը ԱՄՆ խոշորագույն բանկերի շարքում և մասնագիտացած էր ստարտափների հետ աշխատելու մեջ: FDIC-ը կատարվածի վնասը գնահատում է մոտ $20 միլիարդ դոլար:
Ավելի վաղ հայտնի էր դարձել, որ Մեծ Բրիտանիայի Silicon Valley Bank-ի «դուստրը» 1 ֆունտով ստերլինգով կգնի բրիտանական HSBC բանկը:
