Փենսիլվանիայի համալսարանի և OpenResearch-ի գիտնականները հոդված են հրապարակել ChatGPT չաթ-բոտի մի շարք մասնագիտությունների փոխարինման հեռանկարների մասին։ Հետազոտողների եզրակացությունները հիասթափեցնող են նրանց համար, ովքեր անհանգստանում են իրենց աշխատանքի համար:
Կառավարման, տնտեսական և նույնիսկ ստեղծագործական խնդիրները կարող է վստահվել նեյրոնային ցանցին:
Նեյրոնային ցանցը ոչ միայն սովորել է ընդունել վիզուալ հարցումները, այլ, ընդհանուր առմամբ, դարձել է շատ ավելի խելացի և ստեղծագործ։ Սա գիտնականների և արհեստական բանականության սիրահարների մոտ հարց է առաջացրել. «որքանո՞վ է հավանական այն սցենարը, ըստ որի ChatGPT-ն կփոխարինի մարդկանց մասնագիտությունների մեծ մասում»: Փենսիլվանիայի համալսարանի և OpenResearch-ի հետազոտողները կարծում են, որ դա կարող է տեղի ունենալ առաջիկա տարիներին:
Հետազոտողների կարծիքով՝ վեբ դիզայներները (100%), մաթեմատիկոսները (100%), գրողները (100%) և բլոկչեյն ինժեներները (94,1%) գտնվում են նեյրոնային ցանցով փոխարինվելու ամենամեծ վտանգի տակ։ Լավ լուրն էլ այն է, որ աշխատանք կորցնելը կարող է չանհանգստացնել ֆիզիկական գործի հետ կապված ոլորտների մարդկանց՝ ատաղձագործներ, ներկարարներ, խոհարարներ, մեքենա վերանորոգողներ և վարսահարդարներ։
Ըստ հոդվածի՝ ChatGPT-ի լեզվական մոդելները կարող են կատարել մասնագիտությունների 49%-ի առաջադրանքների մինչև կեսը։ Ավելին, աշխատանքը կորցնելու շանսերն ավելի բարձր են նրանց մոտ, ովքեր այժմ զբաղվում են բարձր վարձատրվող գործով ։ Մասնավորապես, վտանգի տակ են հայտնվել ծրագրավորողներն ու լրագրողները։
Մեկ շաբաթ առաջ OpenAI-ը ներկայացրեց ChatGPT չաթ-բոտի չորրորդ սերունդը։
Աղբյուրը՝ Fintech.am
