Ստամբուլ, Երեւան, Դուբայ. ՌԴ քաղաքացիները պլանավորում են գարնանային հանգիստը

OneTwoTrip ծառայության մասնագետները պարզել են, որ գարնանն արտասահմանյան ուղղությունների շարքում Երեւանը ռուսաստանցիների երկրորդ ամենապահանջված քաղաքն է։ RT-ի փոխանցմամբ ՝ OneTwoTrip-ի փորձագետները վերլուծել են ռուսաստանցիների որոնողական հարցումները մարտի 1-ից մայիսի 31-ը ընկած ժամանակահատվածում, ըստ որոնց՝ Երեւանին բաժին է ընկնում ավիատոմսերի որոնումների ընդհանուր ծավալի 7,4%-ը։

Առաջին տեղում Ստամբուլն է՝ 8,8% ցուցանիշով, երրորդում ՝ Դուբայը (5,9%)։ Լավագույն հնգյակը եզրափակում են Թաիլանդի Պհուկետ կղզին (5,5%) եւ Բանգկոկը (5,2%): Փետրվարին Հայաստանը 2-րդ պահանջված ուղղությունն է ռուսաստանցիների համար: