Բիզնեսը, պետական հիմնարկներն ու ՀԿ-ներն արդեն կարող են իրենց թույլ տալ արտասահմանից բարձրակարգ ու թանկարժեք փորձագետ հրավիրել իրենց մոտ գործի։ Նրանց աշխատավարձի մի մասը պետությունը, ինչպես և խոստացել էր, սկսում է սուբսիդավորել։ Մի քանի օր է, ինչ մեկարկել է հայտերի ընդունումը՝ անոնսում են աջակցության փաթեթը մշակած Հայաստանի ներդրումային խորհրդից:
Մասնագետների խոսքով բյուջեն լրացուցիչ ֆինանսական բեռ է վերցնում բարձր որակավորում ունեցող ֆինանսիստ, ագրոնոմ, տեխնոլոգ և այլ մասնագետների միջոցով տնտեսության արտադրողականությունը բարձրացնելու համար։
Խոսքը աշխարհի մասշտաբով լավագույն ԲՈՒՀ-երն ավարտած կամ Ֆորբսի, Հեդհանթերի, Նիկեյի կարգի ռեյտինգային ընկերություններում առնվազն 10 տարի աշխատած կադրերին այստեղ բերելու մասին է:
Հաստատված դիմումի դեպքում արդեն գործատուն եռամսյակը մեկ իր հաշվին Պետեկամուտների կոմիտեից հետ է ստանալու աշխատողի վարձատրության սուբսիդավորված գումարը։
Ըստ կանխատեսման՝ այս ծրագրով արտասահմանից Հայաստան կգա տարեկան առնվազն 400 որակյալ մասնագետ՝ նրանց գործատուներին պետությունը ֆինանսապես աջակցելու է մինչև 2025 թվականի ավարտը։
