Թվային շուկաների մասին օրենքը, որն ուժի մեջ է մտել Եվրամիությունում 2022 թվականի նոյեմբերի 1-ին, կարող է ստիպել Apple-ին թույլատրել հավելվածները iPhone ներբեռնել երրորդ կողմի աղբյուրներից, այլ ոչ միայն App Store-ից: Այս մասին հայտնում է 9to5mac պորտալը։
Թվային շուկաների մասին օրենքը կարգավորում է խոշոր տեխնոլոգիական ընկերությունները և կարող է սահմանափակել նրանց գործունեությունը: Խոսակցություններն այն մասին, որ եվրոպական իշխանությունները կարող են ազդել Apple-ի վրա և հրաժարվել iOS հավելվածների բացառիկ տարածումից, անուղղակիորեն հաստատել է նախաձեռնության հեղինակներից մեկը ՝ Եվրահանձնաժողովի ներկայացուցիչ Ժերար դե Գրաֆը։
«Եթե դուք ունեք iPhone, դուք պետք է կարողանաք հավելվածներ ներբեռնել ոչ միայն App Store-ից, այլ նաև այլ խանութներից կամ ինտերնետից»,- ասել է դե Գրաֆը ՝ հավելելով, որ նոր օրենքի ազդեցությունը «զգալի» կլինի։ ԵՄ-ն նոր օրենքին համապատասխանող ընկերությունների ամբողջական ցանկը կհրապարակի 2023 թվականի գարնանը։ Դրանից հետո կազմակերպությունը վեց ամիս ժամանակ կունենա իր գործունեությունը օրենքին համապատասխանեցնելու համար։ Եթե Apple-ը հայտնվի այս ցուցակում և ստիպված լինի թույլատրել հավելվածների տեղադրումը երրորդ կողմի աղբյուրներից, ապա App Store-ի եկամուտները կարող են կտրուկ կրճատվել:
