Պետությունը կփոխհատուցի աշնանացան ցորենի մշակության ծախսի 50 տոկոսը: Կառավարությունը ընդունել է որոշումը: Ծրագրով նախատեսվում է բոլոր մարզերում՝ բացառությամբ Արմավիրի և Արարատի մարզերի, մինչև 100 հա մակերեսով ցորենի ցանքատարածություններ մշակող գյուղացիական տնտեսություններին մասնակի փոխհատուցել աշնանացան ցորենի մշակության ծախսերը, մասնավորապես՝ հավաստագրված սերրով ցանքի դեպքում կփոխհատուցվի սերմի, պարարտանյութի և դիզելային վառելիքի ձեռքբերման գնահատված ծախսերը, իսկ չհավաստագրված սերմի դեպքում՝ միայն պարարտանյութի և դիզելային վառելիքի։ 2022 թվականին ծրագրով նախատեսվում է տրամադրել փոխհատուցում 27,500 հեկտար հողատարածքում աշնանացան ցորենի ցանք կատարելու համար, մասնավորապես՝ 10,000 հեկտար հավաստագրված սերմով ցանքի դիմաց՝ 1,2 մլրդ դրամ, իսկ չհավաստագրված սերմով 17,500 հեկտար ցանքի դիմաց 1,225 մլրդ դրամ։ Ընդհանուր առմամբ փոխհատուցման գումարը 2022 թվականին կկազմի 2,425 մլրդ դրամ: Ընդհանուր առմամբ ծրագրի բյուջեն կկազմի 2 մլրդ 497 մլն 750 հազար դրամ։
