Բրիտանիայում գազով աշխատող էլեկտրակայանների մի մասը կարող է կանգ առնել և սնանկանալ գալիք ձմռանը գազի հնարավոր դեֆիցիտի պատճառով։ Այս մասին գրում է The Times-ը ՝ վկայակոչելով բրիտանական Ofgem էներգետիկ կարգավորիչի հայտարարությունը։
«Ofgem»-ը ՝ գազի և էլեկտրաէներգիայի շուկաների վարչությունը, նշել է, որ Մեծ Բրիտանիան կարող է արտակարգ իրավիճակի բախվել գազի մատակարարման հարցում: Դրա պատճառով որոշ էլեկտրակայաններ կարող են դադարեցնել էլեկտրաէներգիայի արտադրությունը և կանգ առնել:
Հրապարակման մեջ նշվում էր, որ գազամատակարարումը կորցրած էլեկտրակայանները կվճարեն ծանր տուգանքներ ՝ սպառողների հանդեպ իրենց պարտավորությունները չկատարելու պատճառով։ Սա իր հերթին կարող է հանգեցնել էլեկտրակայանների սնանկացմանը։
Սեպտեմբերի վերջին Մեծ Բրիտանիայի կառավարությունը հավաքվել էր ՝ վերանայելու Հարթլփուլ և Հեյշամ քաղաքների մոտ երկու ատոմակայանների փակման որոշումը։ Դա պայմանավորված է էներգետիկ ռեսուրսների սակավությամբ և երկրում ճգնաժամի սրմամբ։
