Իսպանական Inditex ընկերությանը պատկանող Zara խանութները զանգվածաբար կրճատում են աշխատակիցներին Ռուսաստանի Դաշնության տարածքում։ «Zara»-ն զանգվածաբար կրճատում է աշխատողներին Ռուսաստանում։ Իսկ մենեջերներին արտասահմանում աշխատանք է առաջարկում»,- նշում է հրապարակման հեղինակը։
Ըստ Zara-ի աշխատակիցների, իրենց կանչում են գրասենյակ, որից հետո կողմերի համաձայնությամբ իրենց առաջարկում են հեռանալ։ Միաժամանակ ղեկավարությունը հայտարարել է աշխատանքից ազատվելուց հետո հինգ աշխատավարձ վճարելու ընկերության ծրագրերի մասին։
Բրենդային մենեջերներին առաջարկվում է շարունակել աշխատանքը Ռուսաստանի սահմաններից դուրս ՝ Բելառուսում և Արևմուտքում, մասնավորապես ՝ Ամստերդամում։
Ավելի վաղ ԶԼՄ-ները հայտնել էին, որ Մոսկվայի առաջատար առևտրի կենտրոնները դադարեցրել են համագործակցությունը իսպանական Inditex մանրածախ ցանցի հետ։ Afimall City-ի ներկայացուցչի խոսքով ՝ առևտրի կենտրոնը որոշել է ժամկետից շուտ խզել օտարերկրյա ապրանքանիշի հետ վարձակալության պայմանագիրը։
